«Հայաստան» Համահայկական Հիմնադրամը Սուրիահայերուն Օգնելու Համար Դրամատնային Հաշուեհամար Բացած է

ՀՀ նախագահ, «Հայաստան» համահայկական հիմնադրամի հոգաբարձուներու խորհրդի նախագահ` Սերժ Սարգսեանի առաջարկով հիմնադրամի հոգաբարձուներու խորհուրդի նախագահութիւնը որոշած է ստեղծել առանձնացուած դրամատնային հաշիւ սուրիահայութեանօժանդակելու համար: Այս մասին կը տեղեկացնեն հիմնադրամի լրատուական ծառայութենէն:

«Հայաստան» հիմնադրամի վերահսկողութեան տակ կուտակուած գումարները ամբողջութեամբ պիտի փոխանցուին Սուրիոյ հայ համայնքի ազգային իշխանութեան, եւ տեղւոյն վրայ ստեղծուած համակարգող մարմինը ինքը` ըստ նպատակայարմարութեան պիտի բաշխէ զանոնք` ծագող խնդիրներուն առաւել արդիւնաւէտ լուծում տալու նպատակով:

Ներկայիս Սուրիոյ մէջ ստեղծուած իրավիճակին հետեւանքով` տարբեր պետութիւններու մէջ տեղի կ’ունենան տարերային դրամահաւաքներ, որոնց ընթացքին հաւաքուած գումարները կրնան փոշիանալ: Նման անցանկալի ընթացքէ խուսափելու համար է, որ սուրիահայերուն օգնել փափաքող մեր բոլոր հայրենակիցներուն կ’ընձեռուի հնարաւորութիւն նուիրատւութիւններ կատարելու առանձնացուած դրամային եւ արտարժութային հետեւեալ հաշուեհամարներուն.

HSBC Bank Armenia
9, V. Sargsyan Str. Yerevan Armenia

SWIFT: MIDLAM22

ACC NO 001-002195-102 (USD)

ACC NO 001-002195-104 (EUR)

ACC NO 001-002195-001 (AMD)

Սուրիահայերու օժանդակութեան խնդիրներուն հետ կապուած բոլոր հարցերով մեր հայրենակիցները կրնան դիմել ՀՀ սփիւռքի նախարարութիւն +37410 58 56 01 (107), ինչպէս նաեւ զանգահարել «Հայաստան» համահայկական հիմնադրամ +37410 56 01 06 (105) հեռաձայնային համարով:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL