Եգիպտացի Լրագրողները Հիացած Են Հայաստանի Մշակոյթով . Այդ Մասին Հրապարակած են Տեղի Մամուլով

Հայաստանի Հանրապետութեան անկախութեան տօնակատարութիւններու օրերուն, Հայաստան այցելած 6 եգիպտացի լրագրողները վերադարաձած են «ցնցուած մեր պատմութեան հնութեամբ եւ դաժանութեամբ, միեւնոյն ժամանակ հիացած մեր մշակոյթի եզակիութեաբ», – ՙԱրմաւէնի՚ ին յայտնած է Եգիպտոսի մէջ Հայ Դատի Յանձնախումբի պատասխանատու Արմէն Մազլումեան:

Այս այցի ընթացքին խումբի անդամները հանդիպումներ ունեցած են ՀՀ Մշակոյթի նախարար Յասմիկ Պօղոսեանի, Արտաքին Գործոց փոխնախարար Շաւարշ Քոչարեանի, Ամենայն Հայոց Կաթողիկոս Ն.Ս.Օ.Տ.Տ. Գարեգին Բ. Կաթողիկոսի, Տնտեսութեան եւ Զբօսաշրջիկութեան նախարարութիւններու պատասխանատուներու, Խորհրդարանի ընդդիմադիր ուժերու ներկայացուցիչներու հետ` ՀՅԴ ներկայացուցիչ Արմէն Ռուստամեան եւ Ժառանգութիւն կուսակցութեան նախագահ Ռաֆֆի Յովհաննիսեանի հետ: «Շաւարշ Քոչարեան եւ Վեհափառ Հայրը իրենց հանդիպումներու ընթացքին խիստ քննադատած եւ դատապարտած են Մոհամմէտ Մարգարէի մասին նկարահանուած ֆիլմի արտադրութիւնը նշելով, որ նման ծայրայեղական մօտեցումներ անընդունելի են», ըսած է Մազլումեան:
Լրագրողները այցելած են այցելած են Հայաստանի տեսարժան վայրեր ու կարեւոր կեդրոններ։

Եգիպտոս վերադառնալէ ետք, եգիպտացի լրագրողները արաբերէն եւ ֆրանսերէն յօդուածներ հրապարակած են տեղի յայտնի թերթերու մէջ՝ ինչպէս «Ահրամ Ալ Արապի», «Ահրամ», «Վիթօ», «Լը Բրոկրէ Էժիբսիէն», «Օքթոպըր» եւ «Ալ Գահիրա»:

Ըստ Մազլումեանի, յառաջիկայ այցելութիւնը կը նախատեսուի Ապրիլին, իսկ մօտակայ 2 շաբաթներուն ընթացքին լրագրողները հանդիպում պիտի ունենան եգիպտահայ համայնքի անդամներուն հետ` կազմակերպութեամբ Գահիրէի Ազգային Առաջնորդարանին, «որպէսզի անոնք մօտէն ծանօթանան հայ համայնքի անդամներուն, կիսեն իրենց տպաւորութիւնները եւ պատասխանեն հարցերուն»:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>