«Սուրբ Խաչ»-ն ու «Յոյսի Խորան»-ը Պիտի Օծուին Հոկտեմբեր 20-ին

Երեւան-Ապարան ճանապարհի, «Տառ-քարեր»ու պուրակի բարձրադիր մասին վրայ Հոկտեմբեր 20-ին, ժամը 14.00-ին, տեղի պիտի ունենայ «Սուրբ Խաչ»-ի եւ «Յոյսի Խորան»-ի օծման արարողութիւնը, որ պիտի ուղեկցուի տօնախմբութեամբ եւ գիշերային մոմավառութեամբ: Այս մասին կը տեղեկացնէ News.am-ը:

ՀՀ գլխաւոր դատախազ, «Նիգ-Ապարան» հայրենակցական միութեան պատուաւոր նախագահ, Աղուան Յովսէփեանի մտայղացմամբ եւ նախաձեռնութեամբ` հայութեան համար սիրուած վայր դարձած Տառքարերու պուրակին մօտ գտնուող բլուրին վրայ վեր կը խոյեանայ 33 մեթր բարձրութեամբ Սուրբ խաչ-կոթողը եւ Յոյսի խորանը:
«Սուրբ Խաչ»-ի ճարտարապետական ողջ կառուցուածքը կը խորհդանշէ քրիստոնէութեան եւ հայ ժողովուրդի պատմական եւ հոգեւոր նշանակալից իրադարձութիւնները.
Այսպէս.
«Սուրբ Խաչ»-ի բարձրութիւնը` 33 մեթր է` Յիսուս Քրիստոսի խաչելութեան տարիքը:
«Սուրբ Խաչ»-ը բաղկացած է 1711 մեծ ու փոքր մետաղական խաչերէ, որոնք կը խորհրդանշեն քրիստոնեայ Հայաստանի տարիքը: Կը նախատեսուի ամէն տարի «Սուրբ Խաչ»-ի վրայ տեղադրել այդ տարին խորհրդանշող եւս մէկ խաչ:
«Սուրբ Խաչ»-ի համար իբրեւ պատուանդան ծառայող քարակերտ մատուռին բարձրութիւնը` 301 սմ է, որ կը յիշատակէ 301-ին քրիստոնէութիւնը Հայաստանի մէջ պետական կրօն ընդունելու տարեթիւը:

«Սուրբ Խաչ»-ը քառաթեւ է եւ իւրաքանչիւր թեւի տակ տեղակայուած է չորս մատուռ` մոմավառութեան սեղանիկներով, եւ Հայ Առաքելական սուրբ եկեղեցին նոյնինքն Հոկտեմբեր 20-ին կը նշէ չորս Աւետարանիչներու յիշատակի օրը:
«Սուրբ Խաչ»-ի կառուցումը յատուկ գլանաձեւ խողովակներով նոյնպէս իւրայատուկ իմաստ ունի, քանզի գլանաձեւ խողովակները ձայնային ազդեցութիւն արձակելու հնարաւորութիւն ունին եւ տարբեր ուժգնութեան քամիներու ժամանակ կ’արձակեն տարբեր ձայնային հնչերանգներ, որը յիշեցնում է եկեղեցական երգեհոնային երաժշտութիւն:

«Սուրբ Խաչ»-ը ունի նաեւ արտաքին լուսաւորութիւն եւ գեղագիտական լուծումով այնպէս է լուսաւորութիւնը տեղադրուած, որ գիշերային ժամերուն Սուրբ Խաչը կը պատկերուի իբրեւ երկինքէն կախուած լուսաւոր խաչ, որ Արագած լերան գագաթին սուրբ Գրիգոր Լուսաւորիչի կանթեղին մարմնաւորումն է:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button