Երեւանի Մէջ Մեկնարկած է Միջազգային Զբօսաշրջային Համաժողով UNWTO Գլխաւոր Քարտուղարին Մասնակցութեամբ

Հայաստանը պատրաստ է ընդլայնելու իր զբօսաշրջային հնարաւորութիւնները, յայտարարած է Հայաստանի տնտեսութեան նախարար Տիգրան Դաւթեան: Այս մասին կը տեղեկացնէ PanArmenian.net-ը: Նախարարի խօսքով, երկրին մէջ արդէն առկայ են անհրաժեշտ պայմանները ենթակառուցուածքներու, ծառայութիւններու որակի, օդակայանի առումով, որոնք կը համապատասխանեն միջազգային պահանջներուն, որոնք ստեղծուած են վերջին տարիներուն:

Երեւանի մէջ, առաջին անգամ ըլլալով, Հոկտեմբեր 18-19 տեղի պիտի կ’ունենայ միջազգային համաժողով “Համաշխարհային արժէքները եւ մշակութային բազմազանութիւնը 21-րդ դարուն. զբօսաշրջութեան աւանդը” թեմայով` Համաշխարհային զբօսաշրջային կազմակերպութեան (UNWTO) գլխաւոր քարտուղար Թալէպ Ռիֆաիի մասնակցութեամբ:

Ան նաեւ նշած է, որ այս համաժողովը թոյլ պիտի տայ պատշաճ մակարդակով ներկայացնելու Հայաստանը միջազգային հանրութեան, հիւրերը անմիջականօրէն պիտի մասնակցին լիագումար նիստերուն, պիտի ծանօթանան երկրի հետ: “Թալէպ Ռիֆայիի մասնակցութիւնը խօսում է այդ կազմակերպութեան հետ համագործակցութեան կարեւորութեան մասին”,- ըսած է Դաւթեան:

Ըստ նախարարին` ոլորտին մէջ աճի ընթացքի միջինը կը կազմէ 8-10 տոկոս, որ բարձր ցուցանիշ է աշխարհի երկիրներու համար, առաւել եւս հաշուի առնելով ճգնաժամային տարիները: Դաւթեան աւելցուցած է, որ 2011-ի տուեալներով Հայաստանը ընդունած է շուրջ 740.000 զբօսաշրջիկ, այս տարի կը սպասուի 7-8 տոկոս աճ:

Իր հերթին Թալէպ Ռիֆայի նշած է, որ Հայաստանի մէջ համաժողով իրականացնելու ընտրութիւնը կապուած է այն խնդրին հետ, որ երկիրը հարուստ է մշակութային եւ հոգեւոր ժառանգութեամբ, ուստի լաւ “թեկնածու” է, որպէսզի այստեղ իսկ իրականացուի զբօսաշրջային համաժողովը:

Ռիֆայի Հայաստան կ’այցելէ արդէն երկրորդ անգամ եւ մտադիր է յաջորդ ամառ այստեղ բերել իր ընտանիքը, քանի որ բարձր կը գնահատէ Հայաստանի հարստութիւնները եւ անոր ժողովուրդին բարեացակամութիւնը:
Ան նաեւ յոյս յայտնած է, որ Հայաստանի մէջ կան բոլոր հնարաւորութիւնները զբօսաշրջային ոլորտի զարգացման համար, սակայն այստեղ անհրաժեշտ է ջանքեր գործադրել, մասնաւորապէս, համաշխարհային ասպարէզի մէջ առաջ շարժելու ուղղութեամբ, եւ այստեղ պիտի իրականացուի քննարկումներ Հայաստանի տնտեսութեան նախարարութեան հետ:

Աննախադէպ համաժողովին մասնակցելու համար Հայաստան ժամանած են զբօսաշրջութեան ոլորտի նախարարներ Գերմանիայէն, Զուիցերիայէն, Չեխիայէն, Պուլկարիայէն, Մոլտովայէն, Ուքրանիայէն եւ այլ երկիրներէ: Համաժողովի մասնակիցները պիտի քննարկեն զբօսաշրջային արդիւնաբերութեան զարգացման միտումները, արդի խնդիրները, հեռանկարային համագործակցութիւնը, երկու լիագումար նիստերու ուշադրութեան կեդրոնին պիտի ըլլան կրօնի, միջմշակութային երկխօսութեան հարցեր եւ այլն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>