Աշխատանքային Խորհրդակցութիւն եւ Պիւտճէի Քննարկում` ԼՂՀ Նախագահի Հետ

Արցախի Հանրապետութեան նախագահ Բակօ Սահակեան Հոկտեմբեր 18-ին հրաւիրած է աշխատանքային խորհրդակցութիւն` նուիրուած 2012-ի պետական պիւտճէի կատարողականի եւ 2013-ի պետական պիւտճէի ձեւաւորման հետ առնչուած հարցերուն: Այս մասին կը տեղեկացնեն ԼՂՀ նախագահի աշխատակազմի տեղեկատւութեան գլխաւոր վարչութենէն:

Երկրի ղեկավարը ընդգծած է, որ պետական պիւտճէն պէտք է ապահովէ պետութեան հասարակական-տնտեսական զարգացման հիմնական ողղութիւնները, ըլլայ հաւասարակշռուած եւ պահպանէ հասարակական ուղղուածութիւնը: Նախագահը նշած է, որ նման մօտեցումը ապացուցած է իր արդիւնաւէտութիւնը եւ հնարաւորութիւն տուած իրականացնելու ռազմավարական նշանակութիւն ունեցող ծրագրեր:

Նախագահը կարեւոր համարած է նաեւ պիւտճէտային միջոցներու նպատակային օգտագործումը եւ այդ գործընթացին հանդէպ վերահսկողութեան պատշաճ մակարդակի ապահովումը:

Խորհրդակցութեան մասնակցած են Ազգային ժողովի նախագահ Աշոտ Ղուլեան, վարչապետ Արա Յարութիւնեան եւ պաշտօնատար այլ անձինք:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button