Էտըմ Շիֆ Կոչ Կ’ընէ Կեդրոնանալ Արցախի Խնդրին Վրայ Եւ Արագացնել ԼՂՀ ճանաչման Գործընթացը

ԱՄՆ Ներկայացուցիչներու պալատի անդամ Էտըմ Շիֆ անդրադարձած է Արցախի հարցին, անոր անկախութիւնը ամբողջապէս ճանչնալու գործընթացի արագացման եւ ատրպէյճանական սպառնալիքներուն: Գոնկրէսականը, մասնաւորապէս, նշած է. «21 տարի առաջ Խորհրդային Միութեան փլուզումը թէժացուց էթնիկ եւ տարածաշրջանային հակամարտութիւնները: Կովկասի մէջ պայքարը շարունակուեցաւ երկար տարիներ, այդ ընթացքին քանի մը հակամարտութիւններ մնացին չլուծուած կամ «սառեցուած», քանի որ ամերիկացի եւ եւրոպացի պաշտօնեաները զբաղուած էին Մերձաւոր Արեւելքի եւ Հարաւային Ասիոյ ճգնաժամով, ինչպէս նաեւ իրենց երկիրներու տնտեսական խնդիրներով: Այս բախումներէն ամենադառնալին եւ, ամենայն հաւանականութեամբ, վերսկսողը` Ատրպէյճանի եւ Լեռնային Ղարաբաղի կամ Արցախի միջեւ հակամարտութիւնն է»,-նշած է Շիֆ: Ամերիկացի գոնկրէսականը ընդգծած է նաեւ, որ Արցախը բացառապէս հայական տարածք է, որ Խորհրդային կառավարութեան օրօք կցուած է Ատրպէյճանին:

Այնուհետեւ գոնկրէսականը անդրադարձած է 1988-ին Լեռնային Ղարաբաղի բնակչութեան` Ատրպէյճանէն անկախանալու պայքարին, որ հիմք հանդիսացած է երկարատեւ հակամարտութեան, որ երկու կողմերէն ալ տասնեակ հազարաւոր մարդկային կեանքեր խլած է եւ հազարաւորներուն ստիպած է լքելու իրենց տուները` մինչեւ 1994-ին ձեռք բերուած հրադադարը: «Պատերազմի աւարտին յաջորդած տարիները հեշտ չեն եղած. ատրպէյճանական ուժերու կողմէ շփման գիծին վրայ անընդմէջ յարձակումներ, ատրպէյճանական պաշտօնեաներու կողմէ հնչող սպառնալիքներ, որոնց շարքին` Ստեփանակերտի օդակայանի շահագործման պարագային քաղաքացիական օդանաւերը գրոհելու սպառնալիքները: Այս բոլորին կ’աւելնայ նաեւ` Արցախի ժողովուրդը ամէն օր հնարաւոր պայթիւններու սպառնալիքի տակ է ականներու, որոնք տեղադրուած են 1990-ականներու սկիզբը եւ չեն ականազերծուած»է,-գրած է գոնկրէսականը:

Շիֆ այն դիտարկաման է, որ թէեւ ԵԱՀԿ Մինսքի խումբի համանախագահ երկիրներու` ԱՄՆ-ի, Ռուսաստանի եւ Ֆրանսայի գործադրուող ջանքերուն, գործընթացը փակուղի մտած է` ատրպէյճանական կողմի բազմաթիւ նախապայմաններուն ու պահանջներուն պատճառով: «Իրավիճակը յատկապէս սրեցաւ, երբ Ռամիլ Սաֆարովը արտայանձնեցին հայրենիք: ոճրագործ մը, որ հայ սպայ Գուրգէն Մարգարեանը քնացած ժամանակ կացինահարած էր: Պատիժը Ատրպէյճանի մէջ շարունակելու փոխարէն` զայն ազատ արձակեցին, ներում շնորհեցին, պարգեւատրեցին ու փառաբանեցին: Պաքուի մէջ Սաֆարովը հիացմունքով դիմաւորելու փաստը հայերու նկատմամբ ատելութիւն հրահրելու վկայութիւնն է, որ կը տիրէ ներկայիս Ատրպէյճանի մէջ: Հերոսացնել մարդու մը, որ իր քնած գործընկերոջը կրնար կացինահարել, այնքան անհասկանալի եւ սարսափելի է, որ եւս մէկ անգամ կը հաստատէ հայերու անհանգստութիւնն առ այն, որ Արցախի ժողովուրդը չի կրնար գտնուիլ Ատրպէյճանի իշխանութեան տակ»,-կը գրէ Ներկայացուցիչներու պալատի անդամը:

Շիֆ շեշտած է, որ «մշտապէս աջակցած է Լեռնային Ղարաբաղի ժողովուրդի ինքնորոշման հարցին եւ հաւատացած է, որ մինչեւ ԱՄՆ-ն եւ Մինսքի խումբի անդամները յստակ քայլեր չձեռնարկեն ԼՂ կարգավիճակին համար` նոր բախումներու եւ զոհերու թիւը աճ պիտի արձանագրէ»:

Գոնկրէսականի դիտարկումով` պատերազմի տարիները եւ տնտեսական վիճակը խոչընդոտած են Լեռնային Ղարաբաղի զարգացումին: «Ամերիկահայ համայնքի օժանդակութեամբ կրցանք այնպէս ընել, որ ԱՄՆ ՄԶԳ-ն աւելի մեծ աջակցութիւն ցուցաբերէ Արցախին: Սակայն շատ աւելի մեծ օգնութիւն անհրաժեշտ է տրամադրել, քանզի ատոր կարիքը շատ մեծ է: Ուժեղ եւ անկախ Արցախ կառուցելը միայն հարցին մէկ մասն է: Ատրպէյճանին պէտք է յիշեցնել, որ իր գործողութիւններուն գինը շատ բարձր է: Ատրպէյճանը կը փափաքի անվտանգութեան հարցով օգնութիւն ստանալ Ուաշինկթընէն ոչ թէ անոր համար, որ գումարի կարիք ունի, այլ անոր համար, որ կը ցանկանայ երկկողմ յարաբերութիւններուն մէջ սերտացում մտցնել: Ատրպէյճանին յատկացուող ռազմական օգնութիւնը կրճատելով` ԱՄՆ-ն ազդանշան պիտի ուղարկէ «սաֆարովեան» գործի առնութեամբ իր գարշանքին մասին, ինչպէս նաեւ պիտի յիշեցնէ Ալիեւին, որ ԱՄՆ-ն չի հանդուրժեր Հայաստանի եւ Արցախի նկատմամբ թշնամական որեւէ գործողութեան».-ըսած է Շիֆ:

Ան անթոյլատրելի համարած է Արցախի ժողովուրդին` քրիստոնեայ հայերուն` «Ալիեւի ձեռքը իյնալը»: «Փառաբանելով մարդասպանը` ան եւ իր երկիրը ցոյց տուին աշխարհին իրենց իրական դէմքը, բնոյթը եւ ատով համոզիչ փաստեր բերին Արցախի անկախութիւնը ճանչնալու գործընթացը արագացնելու համար»,-եզրափակած է Էտըմ Շիֆը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button