Ն.Ս.Օ.Տ.Տ. Արամ Ա Կաթողիկոսը Թռնչոց Բոյնի Մէջ

Ն.Ս.Օ.Տ.Տ. Մեծի Տանն Կիլիկիոյ Արամ Ա կաթողիկոսը Հոկտեմբեր 17-ին անպաշտօն այցելութիւն մը տուած է Լիբանանի Թռչնոց Բոյն եւ շուրջ մէկ ժամ մնացած է Թռչնոց Բոյնի փոքրիկներուն հետ: Վեհափառը հանդիպում ունեցած է Թռչնոց Բոյնի տնօրէնին, ուսուցիչներուն ու պաշտօնեաներուն հետ, որպէսզի աւելի մօտէն ծանօթանայ վերջին շրջանին հոն կատարուող աշխատանքներուն, ինչպէս նաեւ տեղեակ դառնայ հաստատութեան դիմագրաւած մտահոգութիւններուն: Այս մասին կը հաղորդէ Մեծի Տանն Կիլիկիոյ կաթողիկսութեան պաշտօնական կայքը:

Այնուհետեւ վեհափառ հայրապետը իր ժամանակին մէկ կարեւոր բաժինը յատկացուցած է փոքիկներուն, այցելած է անոնց ննջարանները ու դասարանները, հանդիպած անոնց հետ Թռչնոց Բոյնի շրջափակին մէջ եւ մօտէն հետաքրքրուած անոնց առօրեայ կեանքով ու յատկապէս կրթական աշխատանքով:

Վեհափառ հայրապետը մեծապէս քաջալերած ու գնահատած է Թռչնոց Բոյնին ճամբով տրուող խնամքը մեր զաւակներուն: Յայտնենք, որ այս տարի Թռչնոց Բոյնի մէջ կայ 40 փոքրիկ: Թռչնոց Բոյնը մեր ժողովուրդի հաւաքական յիշողութեան մէջ ունի իր կարեւոր տեղը: Ցեղասպանութենէն ետք հազարաւոր փոքրիկներ խնամուած են այս հաստատութենէն ներս: Անիկա Սփիւռքի միակ որբանոցն է: Անոր նպատակն է ծնողքէ զուրկ, դժուարութեան մատնուած կամ անտէր մնացած հայ մանուկին տէր դառնալ: Մեր ժողովուրդը ամբողջ Սփուռքի մէջ յատուկ նախանձախնդրութիւն կը ցուցաբերէ այս հաստատութեան նկատմամբ, նաեւ նիւթապէս աջակցելով անոր մարդասիրական առաքելութեան: Իբրեւ մեր Աթոռի ազգային ծառայութեան կարեւոր բնագաւառներէն մէկը, Թռչնոց Բոյնը ենթակայ է վեհափառ հայրապետի մնայուն խնամքին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>