Բանակին Մէջ Հոգեբան-Սպայ Պիտի Աշխատի

ՀՀ կառավարութիւնը Ազգային ժողով ներկայացուցած է «Հայաստանի զինուած ուժերու ներքին ծառայութեան կանոնագիրքը հաստատելու մասին» եւ «Հայաստանի զինուած ուժերու կայազօրային ու պահակային ծառայութիւններու կանոնագիրքը հաստատելու մասին» գործող օրէնքներուն մէջ փոփոխութիւններ եւ լրացումներ կատարելու մասին նախագիծերը: :

Այսօր օրէնքի նախագիծերը տեղադրուած են Ազգային ժողովի կայքի «Օրակարգին չընդգրկուած նախագիծեր» բաժինին մէջ:

Յիշեցնենք, որ այս տարուան գարնան չորրորդ գումարման վերջին քառօրեային ընդունուեցաւ «Հայաստանի Հանրապետութեան զինուած ուժերու կարգապահական կանոնագիրք»-ը, իսկ օրէնքի փոփոխութիւններուն ընդունումը առնչուած է երկու օրէնքներու անհամապատասխանութեամբ:

Յիշեցնենք նաեւ, որ «ՀՀ զինուած ուժերու կարգապահական կանոնագիրքով» «Կարգապահական մեկուսացում» տոյժը` «Գաուբվախտ է ուղարկուել»-ը, փոխարինուած էր «Կարգապահական վաշտ ուղարկելը» տոյժով: Անիկա կը կրեն կարգապահական վաշտերու մէջ:

Կից ներկայացուած տեղեկանք-հիմնաւորումին մէջ ներկայացուած է, որ կարգապահական վաշտերու ստեղծման աշխատանքները ընթացքի մէջ են , եւ օրէնսդրական նոր փոփոխութեան անհրաժեշտութիւնն է ` օրէնքով յստակեցնել կարգապահական վաշտեր ուղարկելու գործընթացը, կարգապահական վաշտերու մէջ գտնուող զինուորական ծառայողներու հաշուառումը, տուեալ ոլորտին մէջ միասնական գործողութիւններու իրականացման ապահովումը:

Նշենք, որ ըստ «ՀՀ զինուած ուժերու կարգապահական կանոնագիրք»-ի որոշ մեկնաբանութիւններուն` զինուորը կրնայ չկատարել իր վերադասին հրամանը, եթէ զայն ակնյայտ ապօրինի կը գնահատէ:

ՊՆ մամուլի քարտուղար Արծրուն Յովհաննիսեան նշած է, որ կարելի չէ յօդուածը այդպէս մեկնաբանել եւ աւելցուցած,- «Ուղղակի, հրամաններ կատարելու եւ քննարկելու կարգը փոխուել է: Եւ զինուորը կարող է նման հրամանների դէպքում այն բողոքարկել»:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL