Մարդու Քնանալու Դիրքը Ինչ Կ’ըսէ Անոր Էութեան Մասին. Հետազօտութիւն

Բրիտանացի գիտնականները` հետազօտութիւններու իբրեւ արդիւնք` պարզած են, որ մարդու էութեան, բնաւորութեան հիմնական գիծերուն մասին կարելի է կարծիք կազմել` հիմնուելով անոր քնանալու դիրքին վրայ: Այս մասին կը տեղեկացնէ Tert.am-ը` վկայակոչելով The Daily Mail-ը:

Ուսումնասիրութեան արդիւնքները կը վկայեն, որ եթէ մարդը կը քնանայ ուղիղ կամ, այլ խօսքով, գերանի պէս մէկ կողմի վրայ շրջած, ձեռքերը հաւասարաչափ կողմերը դրած, կը նշանակէ, որ տուեալ անձը շատ յամառ է եւ կայուն իր որոշումներուն հարցով:

Ան կը սիրէ ամէն ինչ ընել իր կամքին համաձայն, որուն պատճառով շրջապատին կողմէ շատ յաճախ կ’ընկալուի իբրեւ յամառ, գոռոզ մարդ: Սակայն մասնագէտները կը նշեն, որ քնանալու նման դիրքը օգտակար չէ մարմնին համար, քանի որ մկանները այդ ընթացքին լիովին չեն թուլնար եւ չեն հանգստանար:

Իսկ փորի վրայ քնանալ նախընտրողները գիտնականներուն կողմէ կը բնորոշուին իբրեւ չափազանց անհանգիստ մարդիկ, որոնք անընդհատ տարակուսանքի մէջ են տարբեր հարցերու շուրջ: Բացի այդ, փորի վրայ քնացողները բարեխիղճ են ու կարգապահ, կը սիրեն ամէն ինչ հերթականութեամբ ընել` չխախտելով կարգը: Սակայն անոնք շատ յաճախ կ’անհանգստանան այնպիսի բաներու համար, երբ ատոր կարիքը ամենեւին չկայ:

Այն մարդիկ, որոնք կը սիրեն կողքի պառկած, ոտքերը քիչ մը ծալած, ձեռքերը առաջ պարզած քնանալ` անոնք կեանքի մէջ մարտահրաւէրներ սիրող անձնաւորութիւններ են եւ յաճախ յանձն կ’առնեն ամենաանհաւանական գաղափարներու իրականացումը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button