Հայաստան Վարկ Պիտի Վերցնէ Հիւսիսային Սահմանակէտերը Վերազինելու Համար

ՀՀ կառավարութիւնը այսօրուան նիստին հաւանութիւն տուած է ՀՀ-ի եւ Եւրոպական ներդրումային դրամատան միջեւ ստորագրուած “Սահմանային անցակէտեր եւ ենթակառուցուածք” ֆինանսական պայմանագիրին:

Նոյն որոշմամբ համաձայնութիւն տրուած է Հայաստանի Հանրապետութեան եւ Վերակառուցման ու զարգացման եւրոպական դրամատան միջեւ ‘Հայաստանի հիւսիսային սահմանակէտերու արդիականացման ծրագիր” վարկային համաձայնագիրի կնքման առաջարկին:

ՀՀ ելեւմտական նախարարի առաջին տեղակալ Պաւել Սաֆարեանի տուած տեղեկութիւններով` կը նախատեսուի 10,3 միլիոն եուրօ վարկ ստանալ, որուն գերակշիռ մասը` մօտ 9,8 միլիոն եուրօ, պիտի օգտագործուի հիւսիսային սահմանակէտերու շինարարութեան նպատակով: Վարկը արտօնեալ է` 15 տարիով, որուն չորս տարին արտօնեալ մարումով:

Այս ծրագիրին ծիրէն ներս պիտի վերազինուին հայ-վրացական սահմանին գտնուող Բագրատաշէնի, Պաւրայի եւ Գոգաւանի սահմանային անցակէտերն ու անոնց մօտ գտնուող ենթակառուցուածքները:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button