Ատրպէյճանը Ընդգրկուած է Զբօսաշրջիկներու Համար Ամենավտանգաւոր Հինգ Երկիրներու Շարքին

Զբօսաշրջութեան ոլորտին մէջ մասնագիտացած “TravelVivi.com” կայքը հրապարակած է զբօսաշրջիկներու համար ամենավտանգաւոր հինգ երկիրներուն ցանկը, որուն մէջ յայտնուած է նաեւ Ատրպէյճանը: Ցանկին մէջ, բացի Ատրպէյճանէն, տեղ գտած են նաեւ Պապուա Նոր Գուինեա, Եգիպտոս, Լաոս, եւ Հայիթի:

Ատրպէյճանի վերաբերեալ, մասնաւորապէս, ըսուած է, թէ հակառակ անոր, որ անիկա “հարուստ բնաշխարհ ու մշակութային կոթողներ ունի, որոնք ատրպէյճանցիները իրենց ժառանգութիւնը կը համարեն”, այդ երկրին մէջ մինչ օրս մտահոգութիւն կայ մամուլի եւ խօսքի ազատութեան ոլորտին մէջ: Մեծ է նաեւ կողոպուտի կամ յարձակման ենթարկուելու վտանգը` յատկապէս ռասայական, ցեղական կամ կրօնական պատկանելիութեան պատճառով:

”Ատրպէյճանը վերջերս յայտնուած էր միջազգային մամուլի ուշադրութեան կեդրոնին` կացինով սպանութիւն իրագործած եւ դատապարտուած յանցագործին ներում շնորհելուն եւ հերոս հռչակելուն պատճառով”,- գրած է կայքը:

Կը զգուշացուի, որ Ատրպէյճանի մէջ օտարներուն նկատմամբ իրագործուող յանցագործութիւններուն քանակը աճելու միտում կ’արձանագրէ: Մասնաւորապէս, կը նշուի բազում զբօսաշրջիկներու հաղորդումները այն մասին, թէ ինչպէս յարձակման ենթարկուած են երեկոյեան ժամերուն ժամանցի վայրերու մէջ: Կին զբօսաշրջիկներուն կողմէ եւս եղած են բազում բողոքներ ատրպէյճանցի տղամարդոց կողմէ ոչ ցանկալի ուշադրութեան դրսեւորումներու, ինչպէս նաեւ վայրի եւ վիրաւորական պահուածքի բազմաթիւ դէպքերու վերաբերեալ:

Դիմելով իր ընթերցողներուն, կայքը կը գրէ,- “Եթէ երբեւէ որոշէք այցելել Ատրպէյճան, կը յորդորենք հաշուի առնել հետեւեալ խորհուրդները` երբեք մի՛ զբօսնէք երեկոյեան ժամերուն եւ չլուսաւորուած փողոցներով, աշխատեցէք Taxi ծառայութիւները պատուիրել այն հիւրանոցէն, ուր պիտի մնաք եւ հիւրանոցէն շատ հեռու չիջնէք, խուսափեցէք մեծ քանակով մարդոց մօտ գումար հանելէն կամ արժէքաւոր իրերով մարդոց մէջ երեւնալէն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>