Չարենցին Վերաբերող Նորագոյն Գիրքը Մեծ Աղմուկ Բարձրացուց

 Եղիշէ Չարենցի դստեր՝ բանասիրական գիտութիւններու դոկտոր Անահիտ Չարենցի բողոքները՝ ընդդէմ գրականագէտ Դաւիթ Գասպարեանի «Գիրք Մնացորդաց»ին, հասած են իրենց նպատակին, եւ նախարարութիւնը արգիլած է գիրքին վաճառքն ու մնացած տպաքանակը յանձնած Չարենցի տուն-թանգարանին՝ պահք դնելու համար:
Չարենցի դուստրն ու գրական գործիչները զայրացած էին այն հանգամանքէն, որ գրականագէտ Դաւիթ Գասպարեանը հրատարակած է շարք մը ստեղծագործութիւններ, զորս Չարենց չէ նախատեսած տպագրութեան համար: Աւելի՛ն, այդ գիրքին մէջ գրականագէտը վարկաբեկիչ տեղեկութիւններ հրապարակած է մեծ բանաստեղծին մասին՝ իբր թէ զանոնք հերքելու նպատակով: Գիրքի յառաջաբանին մէջ գրականագէտը՝ հեռանալով գրականագիտական քննութենէն՝ վիրաւորանքներ ուղղած է Աւետիք Իսահակեանին, Գէորգ Էմինին եւ ուրիշներու։

Գիրքին մէջ յատկապէս տեղ գտած են այն խօսակցութիւնները, որ իբր թէ Չարենց ունեցած է միասեռական հակումներ. այս մէկը չէր կրնար չզայրացնել Չարենցի բանաստեղծութեան երկրպագուներն ու անոր ընտանիքի անդամները: Վերջինները կը պատրաստուին դատ բանալու գրականագէտին դէմ, որ իւրովի «սեփականաշնորհած է» Չարենցը, արգելք դրած բոլոր անոնց դիմաց, որոնք կը զբաղին Չարենցի արխիւներով եւ ձեռագիրներով: Օգտագործելով Կոմունիստ կուսակցութեան Կեդրոնական կոմիտէին մէջ աշխատած տարիներուն իր ձեռք բերած փորձառութիւնը՝ անվտանգութեան մարմիններուն հետ աշխատելու բնագաւառին մէջ, Դաւիթ Գասպարեան կրցած է մուտք գործել արխիւներ, իսկ արխիւային նիւթերը այսօր կ՛օգտագործէ իր քմահաճոյքով եւ ցանկութիւններով:
Մինչ այդ Դաւիթ Գասպարեան ամէնուրեք կը յայտարարէ, թէ գիրքին վրայ արգելքներ դրուած են եւ իր աշխատանքը անարդար կերպով քաղաքական արժեւորումներու կ՛ենթարկուի։
Գրահրատարակչական գործի ազգային գործակալութեան տնօրէն եւ Գրողներու միութեան քարտուղար Էդուարդ Միլիտոնեան այս առիթով ըսած է. «Ի՜նչ արգելանք, գրականագէտը բառերը պէտք է ճիշդ օգտագործի: Չարենցն ունի ժառանգներ, ժառանգնե՞րն են բողոքել: Եւ յետոյ դա արգելանք չէ, տպաքանակի մի մասը թանգարանին է յանձնուած, ինչպէս Չարենցն է կտակել: Եթէ խօսում է նման բաներ, ուրեմն իրեն կը պատասխանուի ինչպէս հարկն է, ինքը պիտի ամօթ ունենայ: Ինքն ուղղակի խայտառակ է արել Չարենցին… Դաւիթ Գասպարեանն ո՞վ է, որ իրեն Չարենցից բարձր համարի ու իբր լաւութիւն անի Չարենցին: Բանաստեղծի ընտանիքը վիրաւորուած է: Իբր Չարենցին միասեռականութիւնից, թէ չգիտեմ ինչից ուզել է փրկել, բայց աւելի խայտառակ բաներ է արել ի դէպ, ինքը այդքան գիրք ունենալով՝ ասում է որտեղից են գրքերը վաճառւում: Այ, սա էլ է հարց…»։

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL