Նախագահ Փութինի Խիստ Յայտարարութիւնը

Ռուսիոյ նախագահ Վլատիմիր Փութին զէնքի առեւտուրի ու վաճառքի կապակցութեամբ կարգ մը յայտարարութիւններ ըրաւ։ Կարելի է մտածել, որ այս յայտարարութիւններուն տուն տուող ազդակներէն մէկը՝ անցեալները Մոսկուայէն Դամասկոս մեկնող սուրիական օդանաւին վայրէջք կատարել պարտադրելու ու խուզարկելու պատահարն էր Թուրքիոյ մէջ։ Թրքական իշխանութիւնները օդանաւին մէջ զէնք փնտռեցին ու գրաւեցին ռատարի վերաբերեալ կարգ մը կազմածներ, որոնք զինուորական բնոյթ չունէին եւ որոնց համար ըսուեցաւ սակայն, թէ կրնան օգտագործուիլ նաեւ զինուորական նպատակներով։
Ռուսական կողմը շատ անհանգստացաւ Թուրքիոյ այս միջամտութենէն. Փութին կը յայտնէ, թէ Ռուսիա զէնքի իր բոլոր համաձայնութիւնները հիմնած է օրէնքի վրայ եւ ո՛չ մէկը Ռուսիոյ կրնայ թելադրել, թէ որո՞ւ հետ զէնքի առեւտուր պիտի ընէ։

Թէ Փութինի այս խիստ յայտարարութիւնը որքանո՞վ ուղղուած է Թուրքիոյ՝ յայտնի չէ, սակայն անիկա կը յիշեցնէ, որ երկիրի մը զէնքի առեւտուրին մասին սահմանափակում կատարելու իրաւունքը կը պատկանի միա՛յն ՄԱԿ-ի Ապահովութեան խորհուրդին։ «Ապահովութեան խորհուրդէն դուրս ո՛չ մէկ կազմակերպութիւն կամ պետութիւն իրաւունք ունի այս կամ այն երկիրին զէնքի վաճառքի կամ առեւտուրի սահմանափակումներ պարտադրելու», կ՛աւելցնէ Փութին

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL