Գլինթըն Իր «Հիասթափութիւն»-ը Կը Յայտնէ Հունգարիայէն Սաֆարովի Արտայանձնման Առնչութեամբ

 Հունգարիայի արտաքին գործոց նախարար Եանոս Մարդոնիի Ուաշինկթըն այցին ընթացքին ԱՄՆ պետական քարտուղար Հիլարի Գլինթըն դարձեալ յայտնած է ԱՄՆ-ի կառավարութեան «հիասթափութիւն»-ը` ատրպէյճանցի մարդասպան Ռամիլ Սաֆարովի արտայանձնման առնչութեամբ:

Ուաշինկթընի մէջ Հ-1 հեռատեսիլի թղթակից Հայկարամ Նահապետեանի հարցին ի պատասխան` Պետական բաժանմունքի մամուլի քարտուղարը ընդգծած է, որ հանդիպման ընթացքին պետական քարտուղար Գլինթըն վերահաստատած է ԱՄՆ-ի հիասթափութիւնը Հունգարիոյ կողմէ Սաֆարովը Ատրպէյճանին արտայանձնելուն առնչութեամբ` նշելով, որ այդ որոշումը վնասած է Հայաստանի եւ Ատրպէյճանի միջեւ ընթացող բանակցութիւններուն:

«Մենք կ’ողջունենք Գլինթընի յաճախակի ջանքերը` Հունգարիոյ ղեկավարութեան հասկցնելու, որ իրենք չմտածուած քայլը վնասած է բանակցութիւններուն»,- ըսած է Ամերիկայի Հայ Դատի յանձնախումբի գործադիր տնօրէն Արամ Համբարեան:

«Ասպարէզ» կը նշէ, որ ԱՄՆ առաջիններէն էր, որ դատապարտեց մարդասպան Սաֆարովի արտայանձնումն ու ներումը, ինչպէս նաեւ անոր հերոսի կոչում շնորհելը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button