«Սիվիլիթաս» Հիմնադրամի Աշխատակիցները Իրենց Գրասենեակէն Գլխաւոր Դատախազութիւն Պիտի Երթան

 «Սիվիլիթաս» հիմնադրամի աշխատակիցները այսօր ժամը 12:30-ին «Սիվիլիթաս»-ի գրասենեակէն երթով պիտի երթան գլխաւոր դատախազութիւն, որպէսզի յանձնեն պահանջագիր-նամակն ու «Սիվիլիթաս»-ի եւ Վարդան Օսկանեանի հանդէպ քաղաքական հետապնդումները դադրեցնել պահանջող ստորագրահաւաքին արդիւնքները:

Նշենք, որ Հոկտեմբեր 7-17 «Սիվիլիթաս»-ի աշխատակիցներուն նախաձեռնած ստորագրահաւաքին միացած է 13.000 մարդ 65 երկրէ, Հայաստանի գիւղերէն ու քաղաքներէն: Այս պահուն ստորագրահաւաքը դադրեցուած է:

Յիշեցնենք, որ ԱԱԾ քննչական վարչութիւնը յանցաւոր ճանապարհով ստացուած առանձնապէս խոշոր չափերով եկամուտները օրինականացնելու յատկանիշներով` (դրամի լուացում) յարուցած է քրէական գործ: Գործին ծիրէն ներս քննութիւնը կը դիտարկէ այն փաստերը, համաձայն որոնց Հայաստանի մէջ հիմնադրուած «Հանթսման Պիլտինկ Փրոտաքս» ՍՊԸ-ի 100% բաժնետոմսերը, որ կը պատկանի ԱՄՆ-իմէջ արձանագրուած «Բոլիմեր մաթերիըլս» եւ «Հանթսման Ինթըրնէյշընըլ» ձեռնարկութիւններուն, վաճառուած են 2 միլիոն տոլարով, բայց հարկերէն խուսափելու նպատակով` գործարքը չէ ներկայացուած հարկային մարմին, իսկ ամերիկեան կողմի բարեգործական նպատակներով գործածելուն համար տրամադրած 1 միլիոն տոլարը ծախսուած է անձնական կարիքներու համար: Բացի այդ, ըստ իրականացած քննութեան` Վարդան Օսկանեանի հիմնադրած «Սիվիլիթաս» հիմնադրամը, խախտելով գործող օրէնսդրութեան պահանջները, չէ ներկայացուցած 2011-ի հաշուետուութիւնը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>