Հունգարիոյ Վարչապետը Պատասխանած է Հայ Ուսանողներու Նամակին

Պուտափեշտի Կեդրոնական Եւրոպական Համալսարանին մէջ (CEU) ուսանող խումբ հայեր` մէկ ամիս առաջ` նամակ ուղարկած էին Հունգարիոյ վարչապետին` ատրպէյճանցի մարդասպան Ռամիլ Սաֆարովի արտայանձնման վերաբերեալ: Պուտափեշտի Կեդրոնական Եւրոպական Համալսարանի ուսանողները` ըստ PanArmenian.net-ի` տեղեկացուցած են, որ երէկ ստացած են նամակի պաշտօնական պատասխանը վարչապետի գրասենեակէն:

Պատասխան նամակին մէջ, մասնաւորապէս, նշուած է,- “Ես նաեւ պիտի ուզէի ընդգծել, որ յանձնումը կապուած չէ ֆինանսական որեւէ գործարքի հետ”: Ուսանողները հարկ համարած են նշելու այս մասին, քանի որ նամակին մէջ իրենք ոչինչ նշած են “ֆինանսներ”-ու մասին: Նամակը յանձնարարուած է պատասխանելու Հունգարիոյ Արտաքին գործոց եւ տնտեսական կապերու պետական քարտուղարին, որ ի դէպ, ըստ Հունգարիոյ կառավարութեան պաշտօնական կայքին, Յուլիս 23-ին երկօրեայ այցով եղած է Պաքու` քննարկելու Հունգարօ-ատրպէյճանական տնտեսական կապերու լաւացման շուրջ հարցերը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button