Հնդիկ Վիպասան Ամիթաւ Գօշ Երեւանի Մէջ Գիտաժողովի Պիտի Մասնակցի

Հայաստանի ամերիկեան համալսարանին մէջ Հոկտեմբեր 26-27 տեղի պիտի ունենայ «Լռեցնելու (եւ ձայն տալու) ռազմավարութիւններ» (ԼՁՏՌ) գիտաժողովը, որուն իբրեւ հիմնական զեկուցող պիտի մասնակցի Հնդիկ վիպասան Ամիթաւ Գօշ:

 ԼՁՏՌ-ն սկզբնաւորուած է «Կոյր ժամադրութիւններ» նախագիծին նախաձեռնութեամբ, որ նպատակ ունի գտնելու հետքերը կամ, «ինչ որ մնացած է» ժողովուրդներէն, վայրերէն եւ մշակոյթներէն, որոնք ժամանակ մը կազմած են Օսմանեան կայսրութեան բազմազան աշխարհագրութիւնը: Այս ձեռնարկը փորձ է` ուսումնասիրելու խզումներու, անջրպետներու, ոչնչացումներու, ինչպէս նաեւ (վերա)կառուցումներու տարբեր տիպի հետեւանքները ժամանակակից փորձառութիւններու ոսպնեակին միջով:

ԼՁՏՌ-ն կը կեդրոնանայ գեղարուեստական փորձի, գրականութեան եւ վարքի/օրէնքի ոլորտներուն մէջ առկայ փոխհատումներու հետազօտութեան վրայ: Համաժողովը պիտի անդրադառնայ նաեւ համեմատութիւններուն եւ հակասութիւններուն` նմանատիպ կամ զուգահեռ խզումներու «մնացորդներ»-ուն առնչուելու ժամանակ, ներառեալ խորհրդային վարչակարգին եւ Սառը պատերազմին վերաբերող իրողութիւնները:

Միջազգային համբաւ վայելող պենկալական հնդիկ հեղինակ Ամիթաւ Գօշ պիտի զեկուցէ 1916-1918 թուականներուն Սիրիայի մահուան ճամբարներուն մէջ հնդիկ եւ հայ գերիներուն միջեւ եղած յարաբերութիւններուն մասին: Զեկուցումներով հանդէս պիտի գան գիտնականներ, արուեստագէտներ եւ մշակութաբաններ Հայաստանէն, Գերմանիայէն, Յունաստանէն, Զուիցերիայէն, Թուրքիայէն եւ Միացեալ Նահանգներէն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>