Ատրպէյճանը, Ճ. Լ.-ն եւ Կացինով Մարդասպանը. Էտ Ռոյս

 ԱՄՆ Գոնկրէսի Ներկայացուցիչներու պալատի կայքին մէջ հրապարակուած է Ներկայացուցիչներու պալատի անդամ Էտ Ռոյսի յօդուածը, այս մասին կը յայտնէ News.am-ը, որ կը ներկայացնէ զայն թարգմանաբար:

«The Washington Post»-ը Երկուշաբթի առաջին էջին յօդուած հրապարկած է ուժանիւթերով հարուստ երկրի` Ատրպէյճանի մասին: Ըստ յօդուածին` «Ատրպէյճան կը սկսի տարածաշրջանին մէջ վայելել հակաիրանական, աշխարհիկ, արեւմտամէտ երկրի դերը»: Ընթերցողին կ’ըսուի, թէ Իրանը յետադէմ, իսկ Ատրպէյճանը «Թոլերանթ» երկիր է` ընդունելով արեւմտեան արտիստները:

Անոր վկայութիւնը Ճենիֆըր Լոփէզի վերջին համերգն էր, որուն հաւաքուած էր ատրպէյճանցիներու ամբոխը: Յօդուածի ենթավերնագրին մէջ կը նշուէր, որ «Ճ. Լ.-ի նման ընդունելութիւնը կը խորհրդանշէ մահմետական մեծամասնութեամբ երկրի բարձրացումը»: Ճ. Լ.-ի, Ռիհաննայի եւ Շաքիրայի ընդունելութիւնը, ի հարկէ, ընթերցողին մօտ այնպիսի զգացողութիւն կը յառաջացնէ, թէ երկիրը առաջ կը շարժի ճիշդ ուղղութեամբ:

Սակայն այլ ռոք-աստղի մը ընդունելութիւնը կը բացայայտէ ուրիշ Ատրպէյճան: Կացինով հայ սպայ սպաննած մարդասպանը անցեալ ամիս Ատրպէյճանի մէջ ընդունուեցաւ իբրեւ հերոս: Հայ սպան ան սպաննած էր ութը տարի առաջ` ՆԱԹՕ-ի «Գործընկերութիւն յանուն խաղաղութեան» դասընթացին ժամանակ: 90-ականներու սկիզբը Ղարաբաղի շուրջ Ատրպէյճան-Հայաստան պատերազմը խլեց 30.000 մարդու կեանք, եւ երկու երկիրները կը մնան երդուեալ թշնամիներ: Սակայն ոչ ոք նման դաժանութիւն չէր սպասեր:

Զիս չի հետաքրքրեր, քանի հիթ կատարած է Ճ. Լ.-ն Պաքուի մէջ, ինչպիսի հագուստ կրած է կամ որքան ջղայնացած էր իրանական վարչաձեւը: Երբ կացինով մարդասպանը կը համարուի ազգային հերոս, ուրեմն Պաքուի մէջ բբան մը ծուռ է:

«The Washington Post»-ի յօդուածին մէջ դուք չէք գտներ նախագահ Իլհամ Ալիեւի պատմութիւնը, որ «Ես ներում շնորհեցի կացինով մարդասպանին»: Երկար նիւթի մէջ միայն երեք առաջարկ կայ երկրի հիւանդութիւններուն մասին, ան կը համարուի «համարեայ թէ օրինակ վերցնելու իտէալական նմուշ»:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>