“Սուրիական Աւիաուղիներ”-ը Երեւան-Հալէպ-Երեւան Թռիչքը Պիտի Իրականացնէ Իրանի եւ Իրաքի Օդային Տարածքով

 “Սուրիական աւիաուղիներ”-ը Երեւան-Հալէպ-Երեւան թռիչքը պիտի իրականացնէ Իրաքի եւ Իրանի օդային տարածքով` մեկնելով այն հանգամանքէն, որ Թուրքիան փակած է օդային ուղիները սուրիական օդանաւերուն համար, այդպիսով վտանգաւոր դարձնելով թռիչքները Թուրքիայի տարածքով: Այս մասին, ըստ Armenpress.am-ին, հաղորդած են “Սուրիական աւիաուղիներ” ընկերութենէն:

“Հալէպ-Երեւան-Հալէպ թռիչքը Իրանի եւ Իրաքի օդային տարածքով կազմակերպելու պարագային` տոմսի արժէքը քիչ չափով պիտի սղի: Հակառակ Սուրիոյ մէջ ստեղծուած պատերազմական իրավիճակին` պէտք է նշել, որ առաձնապէս տարբերութիւն չկայ Հալէպ մեկնողներու եւ այնտեղէն վերադարձողներու նախկին եւ ներկայ թիւերուն միջեւ”,- յայտնած են “Սուրիական աւիաուղիներ” ընկերութենէն:

Սուրիոյ մէջ լարուած իրավիճակին պատճառով` “Արմաւիա” օդանաւային ընկերութիւնը դադրեցուց թռիչքները դէպի Հալէպ` ուղեւորներուն անվտանգութիւնն ապահովելու նպատակով, սակայն “Սուրիական աւիաուղիներ”-ը կը շարունակէ նոյն յաճախականութեամբ` շաբաթը մէկ օր (Երեքշաբթի) իրականացնել Հալէպ-Երեւան-Հալէպ թռիչքները:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button