Արժանթինի Դեսպանը Պատմեց Հայ Գործարարներուն Երկրի Ներդրումային Հնարաւորութիւններու Մասին

Երեւանի մէջ Հոկտեմբեր 19-ին մեկնարկած է հայ–արժանթինեան առեւտրատնտեսական համաժողովը, որուն կազմակերպիչներն են Հայաստանի Առեւտրաարդիւնաբերական պալատը եւ Հայաստանի մէջ Արժանթինի դեսպանատունը:

«Այդ ֆորումի նպատակն է ծանօթացնել հայ գործարարներին Արկենթինայի տնտեսության եւ ներդրումային դաշտի հետ` ապրանքների այն խմբերը բացայայտելու համար, որոնք մրցունակ կը լինեն արգենտինական շուկայում»,- ըսած է ՀՀ ԱԱՊ նախագահ Մարթին Սարգսեան:

Անոր խօսքով, Արժանթինի հետ առեւտրատնտեսական յարաբերութիւնները սկսած են զարգանալ Հայաստանի անկախացման տարին, երբ առաջին ներդրողը եղած է արժանթինահայ գործարար Էդուարդօ Էռնեկեան: «Ցաւօք սրտի, երկրների միջեւ յարաբերութիւններն անհաւասարաչափ են զարգանում. արգենտինական ներդրումների ծաւալը Հայաստանի տնտեսութեան մէջ կազմել է 200 միլիոն տոլար, ինչը չի կարելի ասել հակառակի մասին»,- աւելցուցած է ան:

Իր հերթին` Հայաստանի մօտ Արժանթինի դեսպան Տիեկօ Էռնեսթօ Ալվերես Ռիվարօ հանդէս եկած է զեկոյցով` ներկայացնելով Արժանթինի տնտեսական իրավիճակը եւ ներդրումային հնարաւորութիւնները: Ըստ դեսպանին` 2011-ին Արժանթինի ՀՆԱ-ն աւելցած է 8,9 տոկոսով, ընդ որուն աճը մեծ մասամբ արձանագրուած է ծառայութիւններու ոլորտին մէջ` 9,1 տոկոս, քան ապրանքներու ոլորտին` 7,4 տոկոս: Ատոր հետ նաեւ, ան աւելցուցած է, որ գործազրկութեան մակարդակը կազմած է 6,7 տոկոս, իսկ երկրին մէջ սպառողական գիներու հաշուարկը 2011-ին 2010-ի համեմատ աւելցած է 10,9 տոկոսով: Ինչ կը վերաբերի արտահանման ծաւալներուն` 2011-ին անոնք կազմած են աւելի քան 84 միլիառ տոլար (24 տոկոս աճ), իսկ ներկրման ծաւալները 2011-ին 2010-ի համեմատ աւելցած են 31 տոկոսով` կազմելով աւելի քան 73 միլիառ դրամ: «Արժանթինի տնտեսութիւնը զերծ չէ մնացած համաշխարհային տնտեսական ճգնաժամին ազդեցութենէն, որ կրճատած է ՀՆԱ աճը 4.4 տոկոսով 2012-ին եւ 4 տոկոսով` 2013-ին»,- ըսած է ան:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button