Լախտար Իպրահիմի Խաղաղութեան Նոր Կոչով Դամասկոս Պիտի Այցելէ Վաղը

ՄԱԿ-ի եւ Արաբական Լիկայի Սուրիոյ հարցով յատուկ պատուիրակ Լախտար Իպրահիմի Հոկտեմբեր 18-ին, միջինարեւելեան երկիրներու իր շրջապտոյտը շարունակելով՝ հասաւ Յորդանան եւ տեսակցութիւն ունեցաւ արտաքին գործոց նախարարին ու այլ պաշտօնատարներու հետ: Այս մասին կը հաղորդէ «Մայատին» արաբական հեռուստակայանը:

Ըստ հեռուստակայանին` Իպրահիմի յայտարարած է, թէ վաղը՝ Շաբաթ պիտի այցելէ նաեւ Դամասկոս՝ Ատհա տօնի օրերուն առնուազն ժամանակաւոր զինադադար մը հաստատելու իր կոչը անձնապէս փոխանցելու համար Սուրիոյ իշանութեանց եւ ընդդիմադիրներուն:

Նշենք, որ Իպրահիմի Չորեքշաբթի Լիբանան այցելած էր՝ հանդիպումներ ունենալու հանրապետութեան նախագահին, վարչապետին ու խորհրդարանի նախագահին հետ: Լիբանանի նախագահ զօր. Միշել Սըլէյման յոյս յայտնած էր, որ Սուրիոյ տագնապը կարելի պիտի ըլլայ շուտով լուծել երկխօսութեան ճամբով, այլ ոչ թէ զինուորական միջոցներով կամ արտաքին միջամտութեամբ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>