Հայաստանը Աշխարհի Մէջ Կրնայ Երկրորդ Զուիցերիա Մը Ըլլալ. ԶՀԿ Գլխաւոր Քարտուղար

«Զբօսաշրջութեան էթիքայի համաշխարհային արժէքներու նկատմամբ պարտաւորութիւններու ստանձնում» փաստաթուղթի ստորագրման եւ «Երեւանեան հռչակագիր»-ի ընդունման արարողութիւնները տեղի ունեցան Հոկտեմբեր 19-ին: «Արմենփրես»-ը փոխանցումով` ՄԱԿ-ի Զբօսաշրջութեան համաշխարհային կազմակերպութեան գլխաւոր քարտուղար Թալեպ Ռիֆայի նշեց, որ փաստաթուղթերու եւ անոնց ստորագրումին յանգեցուցած քննարկումները կ’ամփոփեն համաժողովին աշխատանքը:

«Այն ճշտապահութիւնը, որ դրսեւորեց Հայաստանը, եւ այն հնարաւորութիւնը, որ ունի Հայաստանը աշխարհի մէջ` եւս մէկ անգամ կ’ապացուցէ, որ Հայաստանը կրնայ աշխարհի մէջ ըլլալ երկրորդ Զուիցարիա` իր ուղեղի եւ ձեռքերու միջոցով ստեղծուող իւրաքանչիւր բանի համար»,-ըսաւ Ռիֆայի: Անոր խօսքով` մշակութային բազմազանութիւնը եւ համընդհանուր արժէքները զբօսաշրջութեան ոլորտին մէջ պէտք չէ կորսուին աշխարհի երեսէն: « Այս բնագաւառին մէջ միլիառներու հասնող փոքր գործողութիւնները կը բազմապատկուին միլիառներով եւ կը յանգեցնեն դրական փոփոխութիւններու»,- նշեց կազմակերպութեան գլխաւոր քարտուղարը: Ան ընդգծեց, որ զոսաշրջութիւնը փորձառութիւն է, ուր պէտք է ներգրաւել հնարաւորին շատ թիւով մարդիկ:

Գլխաւոր քարտուղարը նաեւ շնորհակալութիւն յայտնեց հայաստանեան կազմակերպիչներուն` համաժողովի մասնակիցներուն նկատմամբ ցուցաբերած ջերմ վերաբերմունքին համար:

«Կարծեմ, որ բաւական արդիւնաւէտ աշխատեցանք` քննարկելով շարք մը հարցեր, որոնք արժանի էին քննարկման: Մենք մեր յետագայ աշխատանքի ընթացքին կը ղեկավարուինք այն արդիւնքներով եւ տեղեկատուութեամբ, որ համաժողովի ընթացքին փոխանակեցինք իրարու հետ»,- ըսաւ ՀՀ տնտեսութեան նախարար Տիգրան Դաւթեան: Ան կարեւորեց վերոնշեալ փաստաթուղթերու ընդունումը` զանոնք զբօսաշրջութեան զարգացման համար լուրջ խթան համարելով: «Եերեւանեան հռչակագիր»-ի ընդունումը կարեւոր նշանակութիւն ունեցաւ, եւ մեզի համար պատիւ է, որ յառաջիկային հռչակագրին յղումներ կտրուին եւ կը բարձրաձայնուի մեր մայրաքաղաքին անունը»,- աւելցուց նախարարը:

«Երեւանեան հռչակագիր»,ը կը խրախուսէ՝ զբօսաշրջութեան կայուն զարգացման միջոցով՝ համամարդկային արժէքներու եւ մշակութային բազմազանութեան արժեւորումը, ամրապնդումն ու զարգացումը, ինչպէս նաեւ վերոնշեալ գործընթացներուն Հայաստանի աշխոյժ ներգրաւումը:

ՄԱԿ-ի Զբօսաշրջութեան համաշխարհային կազմակերպութեան միջազգային երկօրեայ համաժողովի ծիրէն ներս տեղի ունեցած «Համամարդկային արժէքները եւ մշակութային բազմազանութիւնը 21-րդ դարուն. Զբօսաշրջութեան նշանակութիւնը» խորագիրով երկօրեայ գիտաժողովը մեկնարկած է Հոկտեմբեր 18-ին: Համաժողովին նպատակն է ուշադրութիւն հրաւիրել մշակութային յուշարձաններու պահպանման, միջմշակութային երկխօսութեան եւ զբօսաշրջութեան հարցերուն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>