Հայ Դատի Որոշումը` Ամերիկայի Նախագահական Ընտրութիւններուն Չսատարելու Թեկնածուներէն Ոեւէ Մէկուն, Սթափեցնող Քայլ է. Էտիկ Մինասեան

Հայ Դատի որոշումը` Ամերիկայի նախագահական ընտրութիւններուն չսատարելու թեկնածունէն ոեւէ մէկուն, սթափեցնող քայլ է: Այսօր, ըստ PanArmenian.net-ի, լրագրողներու հետ հանդիպման ժամանակ նման կարծիք յայտնած է ԵՊՀ Պատմութեան բաժանմունքի ղեկավար Էտիկ Մինասեան:

Մինասեան չէ կրցած յստակ ըսել, թէ այս որոշումը որքանով պիտի սթափեցնէ Ամերիկայի նախագահի թեկնածուները: Սակայն, ըստ բանախօսին` կրաւորական մասնակցութիւնը կամ չէզոք դիրքը այնքան ալ հեռանկարային չեն:

«Եթէ երկուսին էլ անտեսէք, մենք ի՞նչ ենք շահելու»,- հարց տուած է ԵՊՀ Պատմութեան բաժանմունքի ղեկավարը: Միեւնոյն ժամանակ ան կը յիշեցնէ, որ նախագահի թեկնածուներէն որեւէ մէկը չկատարեց նախընտրական իր խոստումը եւ այդպես ալ չարտասանեց «Ցեղասպանութիւն» բառը: Էտիկ Միանասեան կ’առաջարկէ ճանաչողութենէն անցնիլ պահանջատիրութեան, անցնիլ գործնական քայլերու եւ դիմել միջազգային ատեաններ:

Յիշեցնենք, որ Ամերիկայի Հայ համայնքը յայտարարած է, որ նախագահական ընտրութիւններուն պիտի չաջակցի Օպամային, կամ միւս թեկնածուին, քանի որ յոգնած է Հայոց Ցեղասպանութիւնը` հայ համայնքի քուէները ստանալու միջոց օգտագործող եւ սեփական խոստումները մոռցող թեկնածուներէն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button