Աշրեֆիյէի Պայթումին պատճառները կը մնան Խորհրդաւոր

Աշրեֆիյէի պայթումին  զոհերուն թիւը բարձրացաւ  ութի: «Էմ.Թի.Վի» հեռատեսիլի  կայանը հաղորդեց, թէ պայթումը պատահած էր   նախկին նախարար  Միշէլ Սըմահայի  բնակարանին  մօտակայ վայրի մը մէջ: Կարմիր Խաչի  պատասխանատուներէն Ճորճ Քաթանի ըսաւ, թէ վիրաւորներուն թիւը բարձրացաւ 45-ի: Քաղաքական, ապահովական, մարդասիրական  կազմակերպութիւններու  ներկայացուցիչներ Աշրեֆիյէի  հիւանդանոցներէն պահանջեցին    իրենց   դուռերը  բանալ   վիրաւորներուն առջեւ: Առողջապահութեան Նախարար  Հասան Խալիլ դատապարտեց ահաբեկչական այս արարքը եւ  հիւանդանոցներէն պահանջեց անմիջական օգնութիւն ցուցաբերել  վիրաւորներուն: Հիւանդանոցները իրենց կարգին արիւն տուող կամաւորներ պահանջեցին քաղաքացիներնէն: Քաղաքական անձնաւորութիւններ, որոնց մէջ հաղորդակցութեան նախարար Նիքոլա Սահնաուի  այցելեցին  պայթումին վայրը եւ  դատապարտեցին ահաբեկչական գործողութիւնը: 

Փաղանգաւոր Կուսակցութեան  փոխնախագահ Սըժաան  Ազզի յայտնեց, թէ  երեսփոխան Նետիմ Ճեմայէլ  ողջ է, իսկ Մարտ 14-ի ուժերը պիտի մնան իրենց սկզբունքներուն վրայ:  Երեսփոխան Սամի Ճեմայէլ  իր խօսքը Աշրեֆիյէի բնակիչներուն  ուղղելով, պահանջեց  զօրակցիլ  Փաղանգաւոր Կուսակցութեան կեցուածքներուն:  Երեսփոխան  Միշէլ Ֆարաոն յայտնեց, թէ չարամիտ ձեռքեր դարձեալ հարուածեցին  Աշրեֆիյէի  բնակիչները:

 Քաղաքային Պաշտպանութեան աղբիւներ հաղորդեցին, թէ  զոհերուն թիւը բարձրացաւ ութի, վիրաւորները՝   78-ի: Ապահովական աղբիւրներ  յայտնեցին, թէ  ռումբը զետեղուած էր   Մերսետես-300  տիպի  ինքնաշարժի մը մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL