Հայ-Թրքական Քաղաքացիական Հասարակութեան Փորձագիտական Համաժողով Պոլսոյ Մէջ

Պոլսոյ մէջ Հոկտեմբեր 22-23 պիտի կայանայ Հայաստանի եւ Թուրքիոյ քաղաքացիական հասարակութեան փորձագիտական համաժողով, որուն պիտի մասնակցի երկու երկիրներու աւելի քան 50 ներկայացուցիչ եւ փորձագէտ: Համաժողովին պիտի քննարկուին ոչ պետական դերակատարներու նշանակութիւնը Հայաստան-Թուրքիա յարաբերութիւններուն մէջ: Այս մասին, ըստ Armenpress.am-ի, յայտնած են Եւրասիա համագործակցութիւն հիմնադրամէն:

Հիմնադրամէն տեղեկացուցած են, որ համաժողովը կը կազմակերպուի “Աջակցութիւն Հայաստան-Թուրքիա յարաբերութիւններու բարելաւման“ ծրագիրին ծիրէն ներս: Ծրագիրը կը ֆինանսաւորուի ԱՄՆ Միջազգային զարգացման գործակալութեան (ԱՄՆ ՄԶԳ) կողմէ եւ կ’իրականացուի Եւրասիա համագործակցութիւն հիմնադրամի, Երեւանի մամուլի ակումբի, Մարդկային զարգացման միջազգային կեդրոնի եւ Հայաստանի արդիւնաբերողներու եւ գործարարներու (գործատուներու) միութեան միջոցով: Թուրքիոյ մէջ ծրագիրին գործընկերներն են Համաշխարհային քաղաքական զարգացումներու կեդրոնը, Հայ-թրքական գործարարութեան զարգացման խորհուրդը, Անատոլու Քուլթուրը, ԳԱՅԱ հետազօտական հիմնարկը, Իզմիրի տնտեսագիտական համալսարանի լրատւութեան եւ հաղորդակցութեան բաժինը, Թօփլում Կոնուլուլերի հիմնադրամը, Թրքական տնտեսական եւ հասարակական հետազօտութիւններու հիմնադրամը եւ Թուրքիոյ Տնտեսական քաղաքականութեան հետազօտութեան հիմնադրամը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button