ՀՀ Նախագահը Ընդունած է ՄԱԿ-ի Զբօսաշրջութեան Համաշխարհային Կազմակերպութեան Գլխաւոր Քարտուղարը

ՀՀ նախագահ Սերժ Սարգսեան այսօր ընդունած է ՄԱԿ-ի Զբօսաշրջութեան համաշխարհային կազմակերպութեան գլխաւոր քարտուղար Թալիպ Ռիֆան:

Նախագահը կարեւոր համարած է Երեւանի մէջ իրականացած “Համամարդկային արժէքները եւ մշակութային բազմազանութիւնը 21-րդ դարուն. զբօսաշրջութեան նշանակութիւնը” խորագիրով միջազգային համաժողովը եւ բարձր գնահատած է ՄԱԿ-ի Զբօսաշրջութեան համաշխարհային կազմակերպութեան դերը` աշխարհի մէջ տնտեսութեան առաւել հզօր զարգացող ճիւղերէն մէկը համարուող զբօսաշրջութեան զարգացման գործին մէջ:

Համաժողովին խորագիրը եւ մասնակիցներու ներկայացուցչական կազմը, Հանրապետութեան ղեկավարին համոզմամբ, կը վկայեն, որ անիկա հետաքրքրական, բովանդակալից եւ օգտակար եղած է բոլոր մասնակիցներուն համար:

Թալիպ Ռիֆա գոհունակութեամբ փաստած է, որ համաժողովին ծիրէն ներս քննարկումները եղած են բաւական արդիւնաւէտ, միաձայն ընդունուած է Երեւանեան հռչակագիր` միջմշակութային երկխօսութեան եւ մշակութային բազմազանութեան կարեւորութեան վերաբերեալ:

Զրուցակիցները համակարծիք եղած են, որ զբօսաշրջութեան դերը մեծ է նաեւ մշակութային ժառանգութեան, շրջակայ միջավայրի պահպանութեան եւ միջմշակութային յարաբերութիւններու ձեւաւորման գործին մէջ:

Հանդիպման ընթացքին նախագահ Սերժ Սարգսեան եւ ՄԱԿ-ի Զբօսաշրջութեան համաշխարհային կազմակերպութեան գլխաւոր քարտուղար Թալիպ Ռիֆա մտքեր փոխանակած են Հայաստանի մէջ զբօսաշրջութեան զարգացման ուղղութեամբ իրականացուող ծրագրերու, այդ ոլորտին մէջ մեր երկրին մէջ առկայ մեծ ներուժին եւ ոլորտի զարգացման նպատակով Հայաստանի յարաբերական առաւելութիւններու լիարժէք օգտագործման շուրջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>