Հայաստանի Կառավարական Շրջանակները Դժգոհ Են «Արմաւիա»էն

«Արմէնիա» միջազգային օդանաւակայաններ ընկերութիւնը հերթական անգամ յայտարարեց, որ կը հրաժարի սպասարկել է «Արմաւիա»ի թռիչքները: Ընկերութեան բոլոր թռիչքները այս յայտարարութենէն ետք անժամկէտ յետաձգուեցան:
Կառավարութեան առընթեր քաղաքացիական թռիչքներու գլխաւոր վարչութեան պետ Արտիոմ Մովսէսեան այս առթիւ յայտարարեց, որ նման իրավիճակ իրենք չեն կրնար հանդուրժել:
«Ի հարկէ, մենք գոհ չենք եւ կը զարմանայինք, եթէ մէկը գոհ լինէր ստեղծուած իրավիճակից: Երկրի ղեկավարութիւնը եւ ես ունենք մեր դիրքորոշումը այս հարցի շուրջ: «Արմաւիա»ն պէտք է շատ կարճ ժամանակահատուածում փորձի այս հարցերին լուծում տալ, հակառակ դէպքում ընկերութեան գործունէութիւնը կարող է կանգնեցուել», յայտնեց Մովսէսեան:
«Արմաւիա»ի եւ կառավարութեան միջեւ կնքուած է պայմանագիր, որ կը լրանայ 2013-ի Մարտին: Փաստօրէն  հինգ ամիսէն կառավարութիւնը պիտի քննէ ընկերութեան հետ նոր պայմանագիր կնքելու հարցը:
Հերթական անգամ թռիչքներու սպասարկումը դադրեցնելու պատճառը «Արմաւիա»ի կուտակած մօտ 3 միլիոն 200 հազար տոլարի պարտքն է: «Արմէնիա» միջազգային օդանաւակայաններ ընկերութեան մամլոյ խօսնակ Գէորգ Աբրահամեան նշեց, որ «Արմաւիա»ն Ուրբաթ առաւօտեան պարտաւորուած էր պարտքը կրճատել, բայց վճարումը ժամանակին չէ կատարուած: Միայն Ուրբաթ կէսօրէն ետք ժամը 15-ին «Արմաւիա»ն փոխանցած է պարտքի մէկ մասը, որմէ ետք ընկերութեան թռիչքներու սպասարկումը վերականգնած է՝ գոնէ մինչեւ նոր շաբթուան սկիզբը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button