Նալպանտեան Ընդունած է Իան Մարինուս Վիերսման

 ՀՀ ԱԳ նախարար Էտուարտ Նալպանտեան երէկ ընդունած է Յանուն ժողովրդավարութեան եւ համերաշխութեան Եւրոպական ֆորումի պատուիրակութիւնը` փոխնախագահ Իան Մարինուս Վիերսմայի գլխաւորութեամբ:  Պատուիրակութեան կազմին մէջ եղած են Եւրոպական խորհրդարանի անդամներ Քրիստիան Վիգէնինը, Մարիա Մունիզ տէ Ուրքիզան եւ Էտիթ Հերցոկը, միջազգային յարաբերութիւններու շարք մը փորձագէտներ: Այս մասին կը տեղեկացնեն ԱԳՆ լրատուական ծառայութենէն:

Հանդիպման ընթացքին տեղի ունեցած է հանգամանալից զրոյց Հայաստան-Եւրոպական միութիւն յարաբերութիւններու, այդ ծիրէն ներս իրականացուող ծրագրերու, Ասոցացման համաձայնագրի, խոր եւ համապարփակ ազատ առեւտուրի գօտիի ստեղծման վերաբերեալ ընթացող բանակցութիւններուն մէջ արձանագրուած յառաջընթացին մասին: Զրոյցի ընթացքում կարեւոր համարուած է մուտքի արտօնագրային վարչաձեւի դիւրացման վերաբերեալ երէկ նախաստորագրուած համաձայնագիրը, որ հանդիպման մասնակիցներուն բնորոշմամբ պիտի խթանէ մարդկային շփումները եւ փոխանակումները Հայաստանի եւ ԵՄ երկիրներուն միջեւ:

Զրուցակիցները մտքեր փոխանակած են նաեւ Հայաստան – ԵՄ համագործակցութեան խորհրդարանական ձեւաչափին շուրջ, ընդգծելով, որ անիկա  կարեւոր դեր կը կատարէ փոխգործակցութիւնը ամրապնդելու եւ ընդլայնելու գործին մէջ:

Հիւրերուն խնդրանքով Էտուարտ Նալպանտեան ներկայացուցած է Արցախեան հիմնախնդրի կարգաւորման գործընթացին էութիւնը, Ատրպէյճանի ապակառուցողական քայլերը: Այս ծիրէն ներս նախարար Նալպանտեանը բարձր գնահատած է ԵՄ միանշանակ արձագանգը Սաֆարովի գործարքին վերաբերեալ` Եւրոխորհրդարանին կողմէ ընդունած դատապարտող բանաձեւը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button