Մեզ Բոլորս Պէտք Է Սարսափեցնէ Ատրպէյճանի Անազնիւ Վերաբերմունքը Իր Քաղաքացիներուն Հանդէպ. Հաուըրտ Էիսենսթաթ

«Washington Post» պարբերականը տպագրած է «Seton Hall» համալսարանի` Միջին Արեւելքի պատմութեամբ զբաղող գիտնական Հաուըրտ Էիսենսթաթի (Howard Eissenstat) նամակը ուղղուած «Washington Post» պարբերականի խմբագիրին` «Ատրպէյճան` սխալ տեսակի օրինակ» խորագիրով: Այս մասին կը հաղորդէ Panorama կայքը:

 Գիտնականը անդրադառնալով Հոկտեմբեր 15-ին «Washington Post» պարբերականին մէջ տպագրուած` «Ատրպէյճանը կը վայելէ հակաիրանական իր դերը» խորագիրով յօդուածին, կը նշէ.

 «Ես զարմացած եմ եւ խոր հիասթափութիւն կ’ապրիմ` ձեր Հոկտեմբեր 15-ի «Ատրպէյճանը կը վայելէ հակաիրանական իր դեր»է խորագիրով յօդուածին պատճառով, որ, բացի այն որ 9 պարբերութիւն կը ներառէր, այդ դժբախտ երկիրը կը նկարագրէր իբրեւ իսլամական աշխարհի աշխարհիկ օրինակ:

««Freedom House» միջազգային իրաւապաշտպան կազմակերպութիւնը խօսքի ազատութեան սահմանափակման հարցով Ատրպէյճանը դասած էր 18 ամենավատ երկիրներու շարքին: Լրագրողները եւ ընդդիմադիրները ձերբակալելու հարցով՝ այս երկիրը դասուած է աշխարհի 10 ամենավատ երկիրներու շարքին»:

««Transparency International»-ը նշած էր, որ անոր նաւթային բռնապետութիւնը աշխարհի մէջ  փտածութեան ամէնէն վատ օրինակն է: Ձեր յօդուածին մէջ կը կարեւորուի Ատրպէյճանի մէջ տեղի ունեցած ներկայացումները այնպիսի աստղերու կողմէ ինչպիսիք են Ճենիֆըր Լոփեզը, սակայն պէտք չէ նաեւ մոռնալ, որ «Amnesty International» միջազգային իրաւապաշտպան կազմակերպութիւնը հրապարակայնօրէն կոչ ըրած է երգչուհիներ Ռիհանային եւ Շաքիրային լաւ մտածել Ատրպէյճանի մէջ ելոյթ ունենալէն առաջ` նկատի ունենալով, որ այդ երկրին մէջ մարդու իրաւունքները կ’ոտնահարուին:

«Բայց մեզ բոլորս պէտք է սարսափեցնէ Ատրպէյճանի անազնիւ վերաբերմունքը իր քաղաքացիներուն հանդէպ»,- կը նշէ գիտնականը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL