2014 Թուականին Համահայկական Ձմեռնային Առաջին Խաղերը Պիտի Կայանան Ծաղկաձորի Մէջ

 Կիպրոսի Լարնաքա քաղաքին մէջ իր աշխատանքները սկսած է Համահայկական խաղերու համաշխարհային կոմիտէի գործադիր կոմիտէն: Այս կառոյցի տարածած մամլոյ հաղորդագրութենէն կը տեղեկանանք, որ որոշում կայացած է 2014 թուականի ձմրան Ծաղկաձորի մէջ իրականացնել Համահայկական ձմեռնային առաջին խաղերը: Խաղերու ծրագրին մէջ պիտի ընդգրկուին դահուկ, լեռնադահուկ, սնոուպորտ եւ հոքէյ մարզաձեւերը:

 Բացի մրցութային ծրագիրէն տեղի պիտի ունենան նաեւ ցուցադրական ելոյթներ: Նիստին մասնակցած են գործադիր կոմիտէի անդամներ, ինչպէս նաեւ Կիպրոսի Հանրապետութեան մէջ ՀՀ դեսպան Գագիկ Ղալաչեան: Համահայկական խաղերու համաշխարհային կոմիտէի նախագահ Իշխան Զաքարեանի առաջարկութեամբ որոշուած է ամառնային եւ ձմեռնային խաղերու ընթացքին հոգալ Սուրիոյ պատուիրակութեան ժամանման հետ կապուած բոլոր ծախսերը, ինչպէս նաեւ Ձմեռնային առաջին խաղերուն մասնակցող մարզիկներուն գիշերավարձն ու սնունդը:

 Գործադիր կոմիտէն որոշած է 2015 թուականի ամառնային խաղերու ծրագրին մէջ ընդգրկել հրաձգութիւն, հեծանիւ, սիրողական կոլֆ, մարզական պարեր մարզաձեւերը: Գործադիր կոմիտէի նիստին Համահայկական խաղերու ծրագրին մէջ աւելցած են լող մարզաձեւի` պաթըրֆլայ 50 եւ 100մ., թիկնալող 50 եւ 100մ., փոխանցումալող 4×100մ, համակցուած փոխանցումալող 4×100մ ձեւերը եւ աթլետիքայի բարձրացատք մարզաձեւը:

 ՀԽՀԿ հերթական նիստը տեղի պիտի ունենայ Մայիս 2013,ին, Երեւանի մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>