Հայաստանի Տնտեսութիւնը Ընդլայնուած է 7.6 Տոկոսով

Ազգային վիճակագրական ծառայութեան տուեալներուն համաձայն` 2012-ի առաջին ինը ամիսներուն դրութեամբ Հայաստանի տնտեսութեան աշխուժութեան ցուցանիշը 7.6 տոկոսով գերազանցած է նախորդ տարուան նոյն ժամանակահատուածի համադրելի մակարդակը:

Ծառայութեան հրապարակած տուեալներուն համաձայն, աճ արձանագրուած է  տնտեսութեան բոլոր ոլորտներու թողարկումներուն գծով, բացառութեամբ շինարարութեան ոլորտի, ուր թողարկման ծաւալները կրճատուած են 2 տոկոսով:

Տնտեսութեան ընդլայնման հիմնական յառաջատարի դիրքերը պահպանած է արդիւնաբերութեան ոլորտը, ուր արտադրանքի ծաւալները 11.6 տոկոսով գերազանցած են 2011-ի Յունուար-Սեպտեմբերի թողարկման մակարդակը:

Երկնիշ աճ արձանագրուած է նաեւ ծառայութիւններու եւ գիւղատնտեսութեան ոլորտներուն մէջ: Նախորդ տարուան առաջին ինը ամիսներուն համեմատ մատուցուած ծառայութիւններուն ծաւալները ընդլայնուած են 11.2, իսկ գիւղատնտեսութեան համախառն արտադրանքի ծաւալները` 10.5 տոկոսով:

Առեւտուրի շրջանառութեան ծաւալները 2011-ի Յունուար-Սեպտեմբեր ամիսներուն համեմատ աւելցած են 2.9 տոկոսով:
2012-ի Յունուար-Սեպտեմբեր ամիսներուն Հայաստանի մէջ արտադրուած 5,949.1 միլիոն քիլօուաթ ժամ ելեկտրականութեան ծաւալները նախորդ տարուան նոյն ժամանակահատուածին համեմատ աւելցած են 442.8 միլիոն քիլօուաթ ժամով կամ 8.1 տոկոսով:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>