Վարչապետ Տիգրան Սարգսեան Ընդունած է ՄԱԿ-ի Կից Զբօսաշրջութեան Համաշխարհային Կազմակերպութեան Գլխաւոր Քարտուղարը

  ՀՀ վարչապետ Տիգրան Սարգսեան ընդունած է ՄԱԿ-ի Զբօսաշրջութեան համաշխարհային կազմակերպութեան (ԶՀԿ) գլխաւոր քարտուղար Թալիպ Ռիֆային, որ Հայաստան ժամանած էր` մասնակցելու Հոկտեմբեր 18-19 Երեւանի մէջ տեղի ունեցող «Համամարդկային արժէքները եւ մշակութային բազ­մա­զա­նու­թիւնը 21-րդ դարուն. զբօսաշրջութեան նշանակութիւնը» խորագիրով երկօրեայ միջազգային համաժողովին: Այս մասին կը յայտնէ ՀՀ կառավարութեան տեղեկատուութեան եւ հասարակայնութեան հետ կապերու վարչութիւնը:

Թալիպ Ռիֆայի շնորհակալութիւն յայտնած է ընդունելութեան համար եւ գոհունակութիւն յայտնած է համաժողովի աշխատանքներուն առնչութեամբ: ՄԱԿ-ի ԶՀԿ-ի գլխաւոր քարտուղարը նշած է, որ տպաւորուած է մեր երկրի զբօսաշրջութեան ոլորտի յառաջընթացով: Ան ընդգծած է միջազ­գային համաժողովի արդիւնքով «Երեւանեան հռչակագիր»-ի` միջմշակու­թային երկխօսու­թեան եւ մշակութային բազմազանու­­թեան կարեւորութեան վերա­բերեալ փաստաթուղթի ստորագրման կարեւորութիւնը, որ կը խրախուսէ զբօսաշրջութեան զարգացումը եւ համամարդկային արժէքներու հանդէպ յարգանքը:

Զրուցակիցները քննարկած են մեր երկրին զբօսաշրջութեան զարգացման հեռանկարները: Վարչապետը նշած է, որ հակառակ այս ոլորտին մէջ արձանագրուող 5 տոկոսի կայուն աճին` ՀՀ կառավարութեան առաջնահերթութիւններէն է զբօսաշրջութեան շարունակական զարգացման քաղաքականութեան իրականացումը: Կարեւորուած է Հայաստանի ամբողջ տարածքին զանգուածային զբօսաշրջութեան զարգացման բարենպաստ միջավայրի ձեւաւորումը, տեղական զբօսաշրջութեան ներուժի իրացումը, ներդրումներու խթանումը հիւրանոցաշինութեան բնագաւառին մէջ, մատչելի հիւրանոցային ցանցի ստեղծումը, ինչպէս նաեւ միջազգային լաւագոյն փորձի ուսումնասիրութիւնը եւ կապերու հաստատումը ոլորտի առաջատար երկիրներու հետ:

ՄԱԿ-ի ԶՀԿ-ի գլխաւոր քարտուղարը պատրաստակամութիւն յայտնած աջակցիլ Հայաստանին վերոնշեալ հարցերու լուծման գործով:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>