ՉԵԼՍԻ ԵՒ ՄԱՆՉԵՍԹԸՐ ՍԻԹԻ ՅԱՂԹԵՑԻՆ

Եւրոպական Ֆութպոլին յատուկ Ձմեռնային դադար գոյութիւն չունի Անգլիոյ մէջ: Արդարեւ, անգլիական խումբերու բազմահազար համակիրները, «Պոքսինկ Տէյ»ի օրը վայելեցին կոլերով եւ անակնալներով հարուստ ֆութպոլային օր մը:

Չելսի, Սթեմֆորտ Պրիճ մարզադաշտին մէջ ընդունեց Ուեսթ   Համ Եունայթըտը եւ երկու անպատասխան գնդակ զետեղեց անոր բերդին մէջ: Ճոն Թերրի եւ Տիեկօ Գոսթա նշանակեցին   Ժոզէ Մուրինիոյի խումբին կոլերը:

Մանչեսթըր Սիթի, շնորհիւ Ֆեռնանտոյի, Եայիա Թուրէի եւ Տաւիտ Սիլվայի կոլերուն՝ 3-1 արդիւնքով պարտութեան մատնեց Ուեսթ Պրոմուիչ Ալպիոնը, այս վերջնոյն դաշտին մէջ: Մանչեսթըր Եունայթըտ, Օլտ Թրեֆորտ մարզադաշտին մէջ՝ 3-1 արդիւնքով   պարտութեան մատնեց Նիուքասլ Եունայթըտը: Ուէյն Ռունի(2) եւ Ռոպին Վան Փըրսի նշանակեցին «Կարմիր Սատանաներ»ուն կոլերը:   Փափիս Սիսէ   նշանակեց   Նիուքասլի   որբ կոլը:

Էմիրյէց մարզադաշտին մէջ Արսենալ՝ 2-1 արդիւնքով պարտութեան մատնեց Քուինզ Փարք Ռէյնճըրզը: Ալեքսիս Սանչէս եւ Թոմաս Ռոսիսքի նշանակեցին «Կանըրզ»ներուն կոլերը: Արսենալի յարձակողներէն Օլիվիէ Ժիրու, կատարած ոչ մարզավայել արարքին համար կարմիր տոմս մը ստացաւ: Չարլի Օսթին նշանակեց     Ռէյնճըրզի   միակ կոլը:

Սաութեմթըն՝ 3-1 արդիւնքով պարտութեան մատնեց Գրիսթալ Փալասը: Սատիօ Մանէ, Ռայըն Պերթրան եւ Ճէյմս Ուորտ Փրուոզ նշանակեցին «Սուրբեր»ուն կոլերը: Հոլ Սիթի, արձանագրեց վերջին տասնմէկ խաղերուն առաջին յաղթանակը, երբ՝ 3-1 արդիւնքով պարտութեան մատնեց Սանտերլանտը: Թոթենհամ՝ 2-1 արդիւնքով պարտութեան մատնեց ընդհանուր դասաւորումը եզրափակող Լեսթըր Սիթին: Հերի Քէյն եւ Քրիսթիան Էրիքսըն նշանակեցին լոնտոնեան խումբին կոլերը:   Սթոք Սիթի՝ 1-0 արդիւնքով պարտութեան մատնեց Էվըրթընը: Պոյիան Քրքիչ նշանակեց « Տը Փոթըրզ»ներուն   յաղթանակի կոլը:

Լիվըրփուլ, մրցակիցի դաշտին մէջ՝ 1-0 արդիւնքով պարտութեան մատնեց Պըրնլին: Ռահիմ Սթերլինկ նշանակեց« Կարմիրներ»ուն յաղթանակի կոլը: Սուանսի Սիթի՝ 1-0 արդիւնքով յաղթեց Ասթոն Վիլային:   Կիուլֆի Սիկուրտսըն նշանակեց «Կարապներ»ուն յաղթանակի կոլը:

ԸՆԴՀԱՆՈՒՐ ԴԱՍԱՒՈՐՈՒՄ

1-     Չելսի ՝   18 մրց.   45 կէտ

2-     Մանչեսթըր Սիթի՝ 18 մրց. 42 կէտ

3-     Մանչեսթըր Եունայթըտ՝ 18 մրց.   35 կէտ

4-     Ուեսթ Համ Եունայթըտ՝ 18 մրց. 32 կէտ

17-   Հոլ Սիթի՝ 18  մրց. 16 կէտ

18- Գրիսթալ Փալաս՝   18 մրց. 15 կէտ

19- Պըրնլի ՝ 18 մրց.   15 կէտ

20- Լեսթըր Սիթի՝  18 մրց.   10 կէտ

 

ԿԻՐԱԿԻ,   28 ԴԵԿՏԵՄԲԵՐ 2014

Թոթենհամ – Մանչեսթըր Եունայթըտ   ժամը՝ 14.00

Սաութեմթըն – Չելսի ժամը՝ 16.05

Ասթոն Վիլա – Սանտերլանտ ժամը՝   17.00

Հոլ Սիթի – Լեսթըր Սիթի ժամը՝   17.00

Մանչեսթըր Սիթի – Պըրնլի ժամը՝ 17.00

Քուինզ Փարք Ռէյնճըրզ – Գրիսթալ Փալաս ժամը՝ 17.00

Սթոք Սիթի – Ուեսթ Պրոմուիչ Ալպիոն ժամը՝ 17.00

Ուեսթ Համ Եունայթըտ – Արսենալ ժամը՝17.00

Նիուքասլ Եունայթըտ – Էվըրթըն ժամը՝   18.15

ԵՐԿՈՒՇԱԲԹԻ, 29 ԴԵԿՏԵՄԲԵՐ 2014-12-27

Լիվըրփուլ – Սուանսի Սիթի ժամը՝   22.00

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button