Վլատիմիր Փութինի Յայտարարութիւնը Սուրիոյ Հակամարտութեան Կարգաւորման Վերաբերեալ

0
62

Ռուսաստանի նախագահ Վլատիմիր Փութին Գերմանիոյ վարչապետ Անկելա Մերքէլի հետ մամլոյ ասուլիսի ժամանակ Սուրիոյ հակամարտութեան կարգաւորման վերաբերեալ յայտարարութիւն ըրած է: Այս մասին կը հաղորդէ yerkirmedia.am-ը:

«Մենք կը կարծենք, որ նախ եւ առաջ պէտք է պայմանաւորուիլ ապագայի մասին: Պէտք է հասկնալ, թէ ինչպէս հնարաւոր է ապահովել Սուրիոյ տարբեր էթնիկ եւ կրօնական խումբերու օրինական իրաւունքները եւ շահերը, եւ ապա նոր անցնիլ փոփոխութիւններու: Այլ ոչ թէ հակառակը` հեռացնել Ասատը, եւ անկէ ետք նոր սկսիլ մտածել, թէ ինչ ընել այդ իրավիճակին հետ»:

Ռուսաստանի նախագահին խօսքով` «Լիպիոյ եւ կարգ մը այլ երկիրներու մէջ հարցերը նման կերպ լուծուած են եւ անտեսուած են ազգային փոքրամասնութիւններու ճակատագիրը: Իսկ ատիկա յանգեցուցած է երկրի ապաընդելուզմանը, դիւանագէտներու սպանութիւններու, ինչպէս եղաւ ԱՄՆ դեսպանի պարագային: Մէկ խօսքով` համատարած քաոս», -աւելցուցած է Ռուսաստանի նախագահը:

Տեղեկացնենք, որ Լոնտոնի մէջ Սուրիական ընդդիմութեան հետ հանդիպման միջազգային ուժերու մասնակիցները հաստատած են մարդասիրական խնդրի առաջնահերթութիւնը եւ երկրին մէջ իրավիճակը կայունացնելու նպատակով պայմանաւորուած են վերջերս ստեղծուած Ազգային համաձայնութեան յետագայ օգնութիւն յատկացնելու հարցին շուրջ:Այս մասին կը հաղորդէ Մեծ Բրիտանիոյ ԱԳՆ-ն:’

Լոնտոնի մէջ կը շարունակուին սուրիական ընդդիմութեան եւ անոր աջակցող արեւմտեան եւ արաբական պետութիւններու միջեւ բանակցութիւնները: Կողմերը կը քննարկեն յետագայ համատեղ գործողութիւնները Սուրիոյ նախագահ Պաշշար Ասատը իշխանութենէն հեռացնելու ուղղութեամբ:

 

 

LEAVE A REPLY

Please enter your comment!
Please enter your name here