Գոնկրէսականը Սուրիահայերուն աջակցելու կոչ Կ’ընէ Գլինթընին

0
33

Միացեալ Նահանգներու դեմոկրատ ծերակուտական Ճէյմս Մակքովըրն նամակով դիմած է պետական քարտուղար Հիլարի Գլինթընին ձեռնարկելու բոլոր անհրաժեշտ քայլերը սուրիահայ համայնքին օժանդակելու նպատակով: Այս մասին՝ ըստ «Արմենփրէս»-ի՝ տեղեկացուցած է ԱՄՆ Հայ Դատի յանձնախումբը: Նամակին մէջ Գոնկրէսականը մասնաւորապէս նշած է, որ Սուրիոյ մէջ հայ եւ այլ քրիստոնեայ համայնքները դարձած են ծաւալուող հակամարտութեան զոհեր:

«Սուրիոյ եւ մասնաւորապէս Հալէպի հայ համայնքը ձեւաւորուած է Հայոց Ցեղասպանութան վերապրանծներու եւ անոնց ժառանգներուն կողմէ:
Մինչդեռ այսօր այդ համայնքը դարձած է բռնութեան եւ հակամարտութեան զոհ»,- գրած է գոնկրէսականը: Ան նաեւ շեշտած է Տէր Զօրի Հայոց Ցեղասպանութեան նահատակներու յիշատակին նուիրուած եկեղեցւոյ աւերման փաստը: «Կոչ կ’ընեմ պետական քարտուղարութեան պահանջել Սուրիոյ հակամարտութեան բոլոր կողմերուն պաշտպանել փոքրամասնութիւնները եւ մասնաւորապէս հայ ու քրիստոնեայ փոքրամասնութիւնները»,- Գլինթընին գրած է Մակքովըրն:

Ծերակուտականը նաեւ շեշտած է, որ պետական քարտուղարութիւնը պէտք է ապահովէ բոլոր անհրաժեշտ պայմանները ամերիկահայերը եւ աշխարհի բոլոր հայերուն կողմէ հաւաքագրուած մարդասիրական օգնութիւնը սուրիահայ համայնքին հասցնելու համար:

 

LEAVE A REPLY

Please enter your comment!
Please enter your name here