Գերմանիոյ Մէջ Պիտի Կայանայ ԼՂ Մասին Համաժողով, Հիմնական Հարցը` Արդարութեան Դերը Հակամարտութեան Կարգաւորման Մէջ

0
49
 Հեսսենի Խաղաղութեան եւ հակամարտութիւններու հետազօտութեան հիմնադրամը (Peace Research Institute Frankfurt, PRIF) Գերմանիոյ մէջ պիտի կայանայ միջազգային համաժողով` “Լեռնային Ղարաբաղի շուրջ խաղաղութեան հասնելու գործընթացը. արդարութեան դերը հակամարտութեան կարգաւորման մէջ” թեմայով: Համաժողովը պիտի կանայայ Նոյեմբեր 23-27 Արնոլտսհայն Աւետարանական ակադեմիային մէջ` Ակադեմիական փոխանակման գերմանական ծառայութեան (DAAD) հովանաւորութեամբ: Այս մասին կը հաղորդէ PanArmenian.net-ը:

Քառօրեայ համաժողովին ներկայ պիտի ըլլայ աւելի քան 40 մասնակից, որոնց շարքին` քաղաքականութեան եւ գիտութեան առաջատար ներկայացուցիչներ: Թեմաթիկ գերակայութիւն պիտի դառնայ մինչեւ այժմ քաղաքական եւ գիտական բանավէճերու մէջ բաւականաչափ չլուսաբանուած հարցը ղարաբաղեան հակամարտութեան լուծման մէջ արդարութեան դերի մասին:

“Որքա՞ն արդարութիւն պէտք է խաղաղութեան համար”. այս հարցին դերը կրնայ որոշիչ դառնալ, յայտնած են հիմնադրամի գլխաւոր քարտուղարութենէն, եթէ հաշուի առնենք խաղաղութիւն ձեռք բերելու համար երկար եւ անպտուղ բանակցութիւնները: Հակամարտող կողմերու չափազանց տարբեր դիրքորոշումներու ետին, հնարաւոր է, առկայ են արդարութեան անհամատեղելի հասկացութիւններ, ուստի Գերմանիոյ ԱԳ նախարար Վեստերուելլէի վերջին պահանջը` վերջապէս հասնիլ հակամարտութեան խաղաղ լուծման, շատ բարդ կը թուի:

Համաժողովի նպատակն է պայմաններու վերլուծութիւնը, որոնց պարագային այդ հասկացութիւնները եւ արդարութեան պահանջները կրնան հասցուիլ երկու կողմերու գիտակցութեան: Այսպիսով, կրնան փոխզիջման հասնիլ եւ աւանդ ունենալ հակամարտութեան խաղաղ կարգաւորման մէջ: ԼՂ հակամարտութեան մասին գերմանացի մասնագէտներու ներածական զեկոյցներէն ետք ելոյթ պիտի ունենան անուանի գիտնականներ Հայաստանէն եւ Ատրպէյճանէն: Անոնք պիտի առաջարկեն ղարաբաղեան հիմնահարցի վերաբերեալ հակամարտող կողմերու դիրքորոշումներու նկատմամբ քննադատական հայեացք: Այնուհետեւ ծրագրաւորուած է բանավէճ երկու երկիրներու կառավարութիւններու եւ խորհրդարաններու ներկայացուցիչներու միջեւ: Բացի այդ, ռուս եւ գերմանացի մասնագէտները պիտի զեկուցեն իրավիճակի վրայ ազդեցութեան տարածաշրջանային եւ միջազգային գործօններու մասին:

Համաժողովը հնարաւորութիւն պիտի տայ Գերմանիոյ մէջ հանդիպելու հակամարտող կողմերու քաղաքական գործիչներու եւ գիտնականներուն ու կարեւոր ծրագիր պիտի ստեղծէ միջազգային եւ ազգամիջեան երկխօսութեան համար: Ձեռնարկը պիտի իրականացուի ռուսերէն եւ գերմաներէն լեզուներով` թարգմանութեամբ:

LEAVE A REPLY

Please enter your comment!
Please enter your name here