“21-րդ Դարու Մարտահրաւէրները եւ Հայաստանի Անվտանգութեան Հիմնախնդիրները” Համաժողովը Մեկնարկած է

0
34

ՀՀ գիտութիւններու ազգային ակադեմիային մէջ այսօր մեկնարկած է “21-րդ դարyu մարտահրաւէրները եւ Հայաստանի անվտանգութեան հիմնախնդիրները” խորագրով քաղաքագէտներու եւ միջազգայնագէտներու համահայկական համաժողովը: Այս մասին կը հաղորդէ Ազգային անվտանգութեան խորհուրդի մամուլի ծառայութիւնը:

Համաժողովին ելոյթով հանդէս եկած է Ազգային անվտանգութեան խորհուրդի քարտուղար Արթուր Պաղտասարեան` անդրադառնալով ՀՀ ազգային անվտանգութեան ռազմավարութեան, մասնաւորապէս` արտաքին անվտանգութեան հիմնական ուղղութիւններուն, անոնց դէմ ուղղուած արդի սպառնալիքներուն եւ մարտահրաւէրներուն:

Արթուր Պաղտասարեանի խօսքով, Հայաստանի ազգային անվտանգութեան համար առաջնային նշանակութիւն ունեցող հիմնական խնդիրներն են` ռազմական, տնտեսական եւ հասարակական ու դեմոգրաֆիական անվտանգութեան ապահովումը:

”Պետութիւնը պէտք է իր ռազմական եւ քաղաքական ինստիտուտներով պատրաստ լինի դիմակայել ցանկացած ոտնձգութեան կամ ռազմական ագրեսիայի: Մենք պէտք է կարողանանք ապահովել էներգետիկ, պարէնային, տրանսպորտային, տեղեկատուական անվտանգութիւնը”,- ըսած է Ա. Պաղտասարեան:

Ան անդրադարձած է այս ուղղութեամբ կատարուած եւ կատարուելիք խնդիրներուն, ինչպէս նաեւ ներքին անվտանգութեան հարցերուն, ներառեալ` բարեփոխումներու ռազմավարական քաղաքականութիւնը, որոնք կ’իրականացուին Հայաստան-Եւրոմիութիւն համագործակցութեան ծիրէն ներս:

Իր ելոյթին մէջ Արթուր Պաղտասարեան անդրադարձած է նաեւ Լեռնային Ղարաբաղի հիմնախնդրին, Հայ-թրքական յարաբերութիւններուն, Հայոց Ցեղասպանութեան միջազգային ճանաչման գործընթացին, սուրիահայերու անվտանգութեան խնդիրներուն, տարածաշրջանային այլ հիմնախնդիրներու:

Համաժողովին ելոյթներ ունեցած են նաեւ ՀՀ սփիւռքի նախարար Հրանոյշ Յակոբեան, ՀՀ նախագահի աշխատակազմի ղեկավար Վիգէն Սարգսեան, ՀՀ պաշտպանութեան նախարար Սէյրեան Օհանեան եւ այլոք:

 

LEAVE A REPLY

Please enter your comment!
Please enter your name here