Աշնանային Զօրակոչը Մեկնարկեց. Սէյրան Օհանեան Բարի Ծառայութիւն Մաղթեց Նորակոչներուն

0
21

Այս տարուան աշնանային զօրակոչը մեկնարկեց այսօր` Նոյեմբեր 19-ին: Սարդարապատի յուշահամալիրի տարածքին տեղի ունեցաւ Արմաւիրի մարզէն զինծառայութեան մեկնող նորակոչիկներու ճանապարհման հանդիսաւոր արարողութիւնը: Նորակոչիկները ողջունած եւ բարի ծառայութիւն մաղթած է Հայաստանի Հանրապետութեան պաշտպանութեան նախարար Սէյրան Օհանեան: Այս մասին կը հաղորդէ «Արմենփրէս»-ը: Այս հարցումին, թէ տարիէ տարի նորակոչիկներու տրամադրութեան եւ տրամադրուածութեան մէջ ինչպիսի՞ փոփոխութիւն կը նկատուի՝ ՀՀ պաշտպանութեան նախարար Սէյրան Օհանեան պատասխանած է, որ ինք իր սերնդակիցներուն կողմէ կրնայ ըսել, որ հպարտ է, քանի որ եւ այսօրուան նորակոչիկները, եւ արդէն ծառայութեան մէջ գտնուողները պատրաստ են մեր հայրենիքը պաշտպանելու:

«Մենք ոչ մի մտավախութիւն չունենք` եւ մարտական ոգով, եւ ստորաբաժանումներում տիրող բարոյահոգեբանական մակարդակով նոր սերունդը ոչնչով չի զիջելու մեր սերնդակիցներին, եթէ անհրաժեշտութիւն լինի, ապա աւելի լաւ են պաշտպանելու,ի հարկէ, մեր անցած փորձի հիման վրայ եւ անմիջական աջակցութեամբ»,- ըսած է Սէյրան Օհանեան:

Պաշտպանութեան նախարարը ցանկութիւն յայտնած է, որ այսօրուան իրականութեան մէջ` եւ բանակին, եւ հասարակութեան մէջ գերակայեն փոխադարձ հանդուրժողականութիւնը, սէրը մէկը միւսուն նկատմամբ, վստահութիւնը, զիջելու ունակութիւնը: «Ի հարկէ, հասկանում ենք, որ երիտասարդների մէջ ըմբոստ ոգին, երիտասարդական աւիւնը խանգարիչ հանգամանք են այս ամէնի համար, սակայն, ովքեր ճանապարհ են անցել, գիտեն, որ բռունցքներով հարցը լուծելու փոխարէն` փոխադարձ հասկացութեան մթնոլորտում ամէն ինչ աւելի հեշտ է լուծել»,- ըսած է նախարարը:

Արմաւիրի թեմի առաջնորդ Տ. Սիոն եպիսկոպոս Ադամեան նշած է, որ զօրակոչիկներու համար այսօրուընէ կը սկսի նոր կեանք, որ խիստ կը տարբերի մինչեւ հիմա իրենց ունեցած կեանքէն: «Մնում է ձեզ սրբօրէն կատարել հայրենիքի առջեւ ունեցած պարտքը, թողնել վատ սովորութիւնները եւ լինել համբերատար, սիրել իրար եղբայրական սիրով»,- ըսած է հոգեւորականը` զօրակոչիկներուն մաղթելով բարի երթ, իսկ ծնողներուն` համբերութիւն:

Արմաւիրի մարզպետ Աշոտ Ղահրամանեան նորակոչիկներուն կոչ ըրած է բարձր պահել մարզի պատիւն ու հեղինակութիւնը:

 

LEAVE A REPLY

Please enter your comment!
Please enter your name here