Հայաստան եւ Ուքրանիա Պիտի գործակցին Շարք Մը Ոլորտներու Մէջ

0
31

«Մենք կարեւորում ենք մեր երկրների միջեւ համագործակցութեան զարգացումը: Վստահ ենք, որ երկկողմ միջկառավարական յանձնաժողովի գործունէութիւնը թոյլ կու տայ բացայայտել չիրագործուած մեծ ներուժը եւ տնտեսական համագործակցութեան զարգացման նոր ուղղութիւնները: Հայաստանի եւ Ուկրաինայի միջեւ ձեւաւորուել է քաղաքական երկխօսութեան բարձր մակարդակ, եւ անհրաժեշտ է տնտեսական յարաբերութիւնները եւս հասցնել այդ մակարդակին» – ըսած է վարչապետ Տիգրան Սարգսեան` Ուքրանիոյ պետական ընկերակցական իրաւունքներու եւ գոյքի կառավարման պետական գործակալութեան նախագահ, հայ-ուքրանական միջկառավարական համատեղ յանձնաժողովի ուքրանական կողմի համանախագահ Տմիթրի Գոլեսնիքովի հետ հանդիպման ժամանակ:
Տմիթրի Գոլեսնիքով Հայաստան ժամանած է` մասնակցելու տնտեսական համագործակցութեան հարցերով հայ-ուքրանական միջկառավարական յանձնաժողովի 6-րդ նիստին:

Զրուցակիցները քննարկած են երկկողմ առեւտրատնտեսական կապերու սերտացման հեռանկարները: Տմիթրի Գոլեսնիքով մանրամասներ ներկայացուցած է յանձնաժողովի նիստին քննարկուած հարցերուն վերաբերեալ: Ան տեղեկացուցած է, որ արծարծուած են համատեղ ձեռնարկութիւններու ստեղծման, շինարարութեան, գիւղատնտեսութեան եւ մեքենաշինութեան ոլորտներուն մէջ համագործակցութեան աշխոյժացման վերաբերող հարցեր: Նշուած է նաեւ, որ համաձայնութիւն ձեռք բերուած է այսուհետեւ յանձնաժողովի իւրաքանչիւր նիստի ծիրէն ներս կազմակերպելու գործարար համաժողով:

Տիգրան Սարգսեան համագործակցութեան հեռանկարային ոլորտներուն մէջ առանձնացուցած է նաեւ տեղեկատուական ճարտարագիտութիւններու եւ զբօսաշրջութեան բնաւագառները: Վարչապետը կարեւոր համարած է Ուքրանիոյ պետական ընկերակցական իրաւունքներու եւ գոյքի կառավարման պետական գործակալութեան ու ՀՀ ԿԱ պետական գոյքի կառավարման վարչութեան միջեւ համագործակցութիւնը եւ փորձի փոխանակումը:

LEAVE A REPLY

Please enter your comment!
Please enter your name here