Հայաստանի, Սփիւռքի եւ ԼՂՀ-ի Քաղաքագէտները Կը Քննարկեն ՀՀ-ի Առջեւ Ծառացած Մարտահրաւէրները

0
43

ՀՀ Սփիւռքի նախարարութեան հրաւիրած « 21-րդ դարու մարտահրաւէրները եւ Հայաստանի անվտանգութեան հիմնախնդիրները»  խորագիրով քաղաքագէտներու եւ միջազգայնագէտներու համաժողովի ընթացքին մասնակիցները շարունակած են քննարկել համաշխարհայնացուող աշխարի մէջ Հայաստանին ուղղուած մարտահրաւէրները:

Սան Անտրեսի համալսարանի միջազգային յարաբերութիւններու փրոֆէսըր Խաչիկ Տէր-Ղուկասեան ներկայացուցած է «Հայկական քաղաքականութիւնը Հարաւային Ամերիկայի մէջ» թեմայով զեկոյցը:

Ճգնաժամային իրավիճակներու մէջ տեղեկատուական ռազմավարութեան կէտերը ներկայացուցած է Զուիցերիա-Հայաստան խորհրդարանական բարեկամական խումբի գլխաւոր քարտուղար Սարգիս Շահինեան:

Քաղաքական վերլուծաբան Արամ Սաֆարեան ներկայացուցած է Եւրասիական միութեան հեռանկարներն ու քննարկման ուղղութիւնները Հայաստանի Հանրապետութեան մէջ:

«Միջուկային Թուրքիա. Մարտահրաւէրներ ՀՀ-ին եւ տարածաշրջանին» զեկոյցը ներկայացուցած է «Նորավանք» գիտահետազօտական կեդրոնի քաղաքական հետազօտութիւններու կեդրոնի աւագ փորձագէտ Արա Մարճանեան:
Լեռնային Ղարաբաղի Հանրապետութենէն ժամանած քաղաքագէտ Հրաչեայ Արզումանեան ներկայացուցած է 21-րդ դարու անվտանգութեան տեսանկիւնէն խառնաշփոթ իրավիճակի մէջ հայկական պետականութեան ուղղուած մարտահրաւէրները:

Հայաստան-Սփիւռք ռազմավարական երկխօսութեան ուղենիշները ներկայացուցած է Քաղաքական գիտութիւններու Հայաստանեան ընկերակցութեան գործադիր տնօրէն Բենիամին Պօղոսեան:

Զեկոյցներէն ետք մասնակիցները քննարկած են հնչեցուած տեսակէտներն ու Հայաստանի Հանրապետութեան առջեւ ծառացած մարտահրաւէրները դիմակայելու առաջարկները եւ մօտեցումները:

LEAVE A REPLY

Please enter your comment!
Please enter your name here