Վիքթոր Ալիխանեանի Անուան Սամպոյի Յուշամրցաշար Երեւանի Մէջ

0
71

Երեւանի “Աշխատանք” ընկերութեան մարզադահլիճին մէջ տեղի ունեցած է Հայաստանի վաստակաւոր մարզիչ, Հայաստանի մէջ սամպօ մարզաձեւի հիմնադիրներէն` Վիքթոր Ալիխանեանի յուշամրցաշարը: Այս մասին կը յայտնեն Հայաստանի սամպոյի դաշնութենէն:

Յուշամրցաշարին մասնակցած է Շիրակի, Լոռիի, Տաւուշի, Կոտայքի, Արարատի մարզերու, Երեւանի եւ ԼՂՀ աւելի քան 250 պատանի մարզիկ:

14-րդ անգամ ըլլալով իրականացուող մրցաշարին նպատակը եղած է սամպոյի հանրահռչակումը, պատանի մարզիկներու ուժերու փորձարկումը, ծանօթութիւնը` պաշտօնական մրցումներու ընթացակարգին ու մրցավարներու նոր սերունդի փորձի ձեռքբերումը:

Նախորդ տարի մրցաշարին մասնակցած է 125 մարզիկ, այս տարի թիւը հասած է 286-ի:

 

LEAVE A REPLY

Please enter your comment!
Please enter your name here