Աշխարհասփիւռ Հայերը «Հեռուստամարաթոն 2012»-ով Պիտի Օգնեն Արցախին ու Սուրիահայերուն

0
45

«Հայաստան» համահայկական հիմնադրամի ամենամեայ հեռուստամարաթօնին նախորդող հեռախօսամարաթոնները այս տարի, 2011-ի համեմատ, արդէն արձանագրած են 7-8 տոկոս աճ, մասնաւորապէս` եօթը տոկոս Ֆրանսայի եւ ութ տոկոս` ընդհանուր եւրոպական երկիրներու մէջ: Այս մասին` ըստ Armenpress.am-ի` տեղեկացուցած է «Հայաստան» համահայկական հիմնադրամի PR բաժնի ղեկավար Յասմիկ Գրիգորեան, որուն խօսքով` արդէն իսկ կայ 1,4 միլիոն եուրոյի խոստում, իսկ յատկապէս Ֆրանսայի պարագային` դրամահաւաքը դեռ կը  շարունակուի:

«Հեռուստամարաթոն 2012-ը, որը կ’անցկացուի «Մեր գիւղը» խորագրով, այս տարի կը մեկնարկի Նոյեմբերի 22-ին: Ամբողջ տարուայ ընթացքում ունեցել ենք դրամահաւաք միջոցառումներ եւ բարեգործական համերգներ տարբեր երկրներում եւ քաղաքներում` Մեծ Բրիտանիայում, Գերմանիայում, Մոսկուայում, Փարիզում, Մոնրէալում, առջեւում է Լիբանանի մարաթոնը: Այս տարուայ հեռուսամարաթօնի առանձնայատկութիւններից մէկն այն է, որ ամբողջ հասոյթի տասը տոկոսը կը տրամադրուի սիրիահայերի կարիքները հոգալուն»,- ըսած է Յասմիկ Գրիգորեան: Հանգանակուած միջոցները պիտի ուղղուին նաեւ Հայաստանի եւ Արցախի մէջ  համայնքային կեդրոններու կառուցման: Հեռուստամարաթօնին, բացի եւրոպական երկիրներէն, այս տարի միացած են նաեւ Արժանթինը, Պրազիլը:

Անդրադառնալով Հեռուստամարաթոն 2011-ի հասոյթով իրագործուած ծրագրերուն` Գրիգորեան շեշտած է, որ հիմնովին վերակառուցուած, իսկ որոշ տեղեր կառուցուած են դպրոցներ, մանկապարտէզներ, հիւանդանոցներ, Արցախի տասը գիւղերու մէջ լուծուած է ջրամատակարարման խնդիրը: Դպրոցաշինութիւնը աւարտած է Տաւուշի մարզի Դիտաւան գիւղի դպրոցին, ԼՂՀ Մարտակերտի եւ Մարտունիի շրջաններուն մէջ: Ջրամատակարարման համակարգը արդէն կը գործէ Ստեփանակերտի, Մարտունիի, Հադրութի շրջանի Ուխտաձոր գիւղի, Շուշիի շրջանի Քարին Տակ համայնքի, Շահումեանի շրջանի Քարվաճառ քաղաքի մէջ:

Աւարտած է նաեւ Երեւանի Սբ. Գրիգոր Լուսաւորիչ հիւանդանոցի “Տիալիզի եւ նեֆրոլոկիա”ի բաժանմունքներու կառուցումը, Աբովեան քաղաքի ծննդատան հիմնանորոգումը, Կապանի բժշկական կեդրոնի մանկական բաժանմունքի հիմնանորոգումը:

LEAVE A REPLY

Please enter your comment!
Please enter your name here