Մինսքի Խմբակի Համանախագահները Նոյեմբեր 23-ին Հայաստան Պիտի Հասնին

0
48

ԵԱՀԿ Մինսքի խումբի համանախագահները՝ Ռապըրթ Պրատթքի (Ամերիկա), Իկոր Փոփով (Ռուսիա) եւ Ժագ Ֆոր (Ֆրանսա), Ուրբաթ, Նոյեմբեր 23-ին պիտի ժամանեն Երեւան. այս մասին Երկուշաբթի օր տեղեկացուց Հայաստանի արտաքին գործոց նախարարի մամլոյ քարտուղար Տիգրան Բալայեանը:
Լեռնային Ղարաբաղի հակամարտութեան կարգաւորման միջնորդները հանդիպումներ պիտի ունենան Հայաստանի նախագահ Սերժ Սարգսեանի եւ արտաքին գործոց նախարար Էտուարտ Նալպանտեանի հետ:
Ատրպէյճանական լրատուամիջոցներու համաձայն՝ համանախագահները Նոյեմբեր 26-ին պիտի այցելեն Պաքու, հանդիպումներ ունենալու համար նախագահ Իլհամ Ալիեւի եւ արտաքին գործոց նախարար Էլմար Մամետեարովի հետ:
Միջնորդները հաւանաբար այցելեն նաեւ Ստեփանակերտ:
Փարիզի մէջ Հոկտեմբեր 27-ին կայացած էր Նալպանտեանի եւ Մամետեարովի վերջին հանդիպումը, որուն մասնակցած էին նաեւ ԵԱՀԿ Մինսքի խմբակի համանախագահները, որոնք ներկայացուցած էին իրենց գաղափարները՝ տագնապին խաղաղ կարգաւորման գործընթացը առաջ մղելու նպատակով:

LEAVE A REPLY

Please enter your comment!
Please enter your name here