Քուէյթի Իշխանութիւնները Պատրաստ են Մարդասիրական Օգնութիւն Յատկացնելու Հայաստանի Մէջ Գտնուող Սուրիահայերուն

0
21

ՀՀ արտաքին գործերու նախարար Էտուարտ Նալպանտեանի եւ Քուէյթի փոխվարչապետ, արտգործնախարար Շէյխ Սապահ Խալէտ Ալ Համատ Ալ Սապահի հետ երէկ կայացած բանակցութիւններու ընթացքին անդրադարձած են միջազգային կազմակերպութիւններու մէջ փոխգործակցութեան, երկու արտգործնախարարութիւններու միջեւ պարբերական խորհրդատւութիւններու իրականացման եւ տարածաշրջանային եւ միջազգային հարցերուն:  Էտուարտ Նալպանտեան յատնած է, որ Հայաստանը մեծ կարեւորութիւն կու տայ Քոււէյթի, ընդհանրապէս արաբական աշխարհի հետ իր յարաբերութիւններու զարգացման եւ պիտի շարունակէ այդ ուղղութեամբ քայլեր ձեռնարկելու:

Հանդիպման ընթացքին նախարարները անդրադարձած են երկու պետութիւններու ղեկավարներու համաձյնութիւններու իրականացման ընթացքին, իրաւապայմանագրային դաշտի ընդլայնման, առեւտրատնտեսական համագործակցութեան խորացման, դրամատնային, գիւղատնտեսութեան, առողջապահութեան, կրթական եւ մշակութային բնագաւառներու մէջ կապերու զարգացման առնչուող հարցերուն:

Անդրադառնալով Կազայի հատուածի մէջ տեղի ունեցող զարգացումներուն` Հայաստանի արտաքին քաղաքական գերատեսչութեան ղեկավարը ըսաւ. «Հայատանը, ինչպէս եւ միջազգային հանրութիւնը խիստ մտահոգուած է Կազայի հատուածում եւ նրա շուրջն աճող լարուածութեամբ: Ուժի կիրառումը, որը յանգեցրել է խաղաղ բնակչութեան շրջանում տասնեակ զոհերի, լուրջ վնաս է հասցնում տարածաշրջանային առանց այդ էլ փխրուն իրավիճակին: Պէտք է վերջ դնել ուժի սպառնալիքին եւ ուժի կիառմանը: Խորապէս համոզուած ենք, որ խաղաղ ճանապարհով, բանակցութիւնների միջոցով հարցերի լուծմանը այլընտրանք չկայ՚:

Էտուարտ Նալպանտեան մտահոգութիւն յայտնեց նաեւ Սուրիոյ մէջ տիրող իրավիճակի նկատմամբ` նշելով, որ հակամարտութեան պատճառով Հայաստան կը շարունակէ հազարաւոր սուրիահայ փախստականներ ընդունելու: Այս առնչութեամբ Քուէյթի ԱԳ նախարարը տեղեկացուց` Հայաստանի մէջ գտնուող սուրիահայերուն մարդասիրական օգնութիւն յատկացնելու Քուէյթի իշխանութիւններու որոշման մասին:

Հայաստանի արտգործնախարարը իր գործընկերոջը ներկայացուց Լեռնային Ղարաբաղի հիմնախնդիրի կարգաւորման վերջին զարգացումները եւ ընդգծեց, որ Հայաստան բարձր կը գնահատէ Քուէյթի իշխանութիւններու հաւասարակշռուած դիրքորոշումը` ի սատարումն միջազգային հանրութեան` ԵԱՀԿ Մինսքի խումբի եռանախագահներուն կողմէ հիմնախնդիրի կարգաւորման ուղղութեամբ ձեռնարկուող ջանքերու:

Հայաստանի եւ Քուէյթի արտգործնախարարները ստորագրեցին դիւանագիտական անձնագիր կրողներու համար մուտքի արտօնագրային վարչաձեւը վերացնելու մասին համաձայնագիրը, որով հիմք դրուեցաւ երկու երկիրներու միջեւ մուտքի արտօնագրային վարչաձեւի դիւրացման գործընթացին: էտուարտ Նալպանտեան Քուէյթի ԱԳ նախարար Շէյխ Սապահ Խալէտ Ալ Համատ Ալ Սապահը հրաւիրեց այցելել Հայաստան վերջինս ընդունած է հրաւէրը: Էտուարտ Նալպանտեանի քուէյթեան օրակարգի մէջ կարեւոր տեղ կը զբաղեցնէր նաեւ տնտեսական բաղադրիչը:

LEAVE A REPLY

Please enter your comment!
Please enter your name here