Պոլսոյ Հայ Կաթողիկէներու Գերեզմանոցին Տարածքը Վերադարձուած Է Հայերուն

0
22

Պոլսոյ Մէճիտիյէքէոյ շրջանին մէջ գտնուող հայ կաթողիկեներու գերեզմանատունը 82 տարի ետք կրկին վերադարձուած է հայերուն: Այս մասին կը հաղորդէ «Արմենփրէս»-ը` վկայակոչելով թրքական HaberTurk-ը: Թուրքիոյ Հիմնադրամներու գլխաւոր վարչութիւնը թոյլատրած է գերեզմանոցի 40 հազար 500 քառակուսի մեթր ընգրկող տարածքը յանձնել Սուրբ Յակոբ հիւանդանոցի հիմնադրամին: Վարչութեան հաղորդած տեղեկութեան համաձայն` երբ Իսթամպուլի շրջանային վարչութիւնը հաստատէ որոշումը, կը սկսին տարածքի սեփականաշնորհումը եւ հիւանդանոցի հիմնադրամի անունով արձանագրումը:

Սուրբ Յակոբ հիւանդանոցի հիմնադրամի նախագահ Պեռնարտ Սարըպայը կատարուածի առնչութեամբ նշած է, որ 82 տարի անց գերեզմանոցի տարածքին վերադարձը երջանկացուցած է զիրենք:

Գերեզմանոցին տարածքը 1930 թուականին ընդունուած որոշումով յանձնուած էր Իսթամպուլի քաղաքապետարանին: Թէեւ գերեզմանոցի սեփականաշնորհման վերաբերեալ ոչ մէկ փաստաթուղթ չէ եղած հայերու մօտ, այդուհանդերձ, հայերը մինչ այսօր կը շարունակեն թաղումներ իրականացնել Մէճիտիյէքէոյի հայկական գերեզմանոցին մէջ:

 

 

LEAVE A REPLY

Please enter your comment!
Please enter your name here