Ամփոփուեցաւ 21-րդ Դարու Մարտահրաւէրները եւ Հայաստանի Անվտանգութեան Հիմնախնդիրները՚ Խորագիրով Քաղաքագէտներու եւ Միջազգայնագէտներու Համաժողովը

0
46

Նոյեմբերի 20-ին աշխատանքները աւարտեց ՀՀ սփիւռքի նախարարութեան հրաւիրած « 21-րդ դարու մարտահրաւէրները եւ Հայաստանի անվտանգութեան հիմնախնդիրները՚ խորագիրով քաղաքագէտներու եւ միջազգայնագէտներու համաժողովը:

Համաժողովի երկրորդ օրուան զեկոյցները« յիշողութեան քաղաքականութիւնը եւ Հայոց Ցեղասպանութիւնը. արդի մարտահրաւէրներ եւ ռիսկեր՚ խորագիրով էին:  Գերմանիոյ Ղուհրի համալսարանի Սփիւռքի եւ Ցեղասպանութեան հետազօտութիւններու հիմնարկիի տնօրէն Միհրան Տապաղը խօսեցաւ Հայոց Ցեղասպանութեան յիշողութեան, համընդհանուր մարտահրաւէրներու մասին:

Ֆրանսայի Ռոն Ալպի տարածաշրջանային խորհրդական Հիլտա Չոպոյեան ներկայացուց Եւրոպայի մէջ հայկական յիշողութեան քաղաքական մարտահրաւէրները:

«Տարածքային պահանջատիրութիւնը որպէս Հայ Դատի բաղադրիչ՚ թեմայով զեկոյցով հանդէս եկաւ Իրանի Իսլամական Հանրապետութեան խորհրդարանի պատգամաւոր Կարէն Խանլարեանը:

ՀՀ ԳԱԱ արեւելագիտութեան հիմնարկի տնօրէն Ռուբէն Սաֆրաստեան ներկայացուց ներկայ փուլին Հայկական Հարցը եւ Թուրքիոյ քաղաքականութիւնը: ՀՅԴ Բիւրոյի Հայ Դատի եւ քաղաքական հարցերի գրասենեակի տնօրէն  Կիրօ Մանոյեանը հանդէս եկաւ «Հայաստանի եւ հայ ժողովուրդի իրաւունքներն ու Հայոց Ցեղասպանութեան հատուցման իրաւական թղթածրարը՚ թեմայով զեկոյցով:  ՀՀ ԳԱԱ պատմութեան հիմնարկի տնօրէն  Աշոտ Մելքոնեանը  ներկայացուց Հայոց Ցեղասպանութեան խնդիրը Հայաստանի Հանրապետութեան անվտանգութեան ծիրէն ներս:  ՀՀ ԱԺ պատգամաւոր Թեւան Պօղոսեանը խօսեցաւ 2015-ին ընդառաջ մարտահրաւէրներու եւ ռիսկերու վերաբերեալ: ՙՄոտուս Վիւենտի՚ կեդրոնի նախագահ Արա Պապեան  ներկայացուց «հայոց Ցեղասպանութեան հետեւանքներու վերացումը իբրեւ Հայաստանի Հանրապետութեանն ուղղուած  մարտահրաւէրներու չէզոքացման միակ ուղի՚ զեկոյցը:

Մասնակիցներու զեկոյցներէն ետք տեղի ունեցաւ մտքերու փոխանակութիւն, քննարկուեցան առաջադրուած տեսակէտներն ու առաջարկները:

Քաղաքագէտներու եւ միջազգայնագէտներու համահայկական համաժողովի աւարտին Հրանոյշ Յակոբեան իր ամփոփիչ խօսքի մէջ մասնաւորապէս նշեց. ՙայս համաժողովը հարթակ էր հայ քաղաքագէտների ու միջազգայնագէտների համար` ներկայացնելու Հայաստանի անվտանգութեան հարցերի շուրջ իրենց տեսակէտներն ու մօտեցումները: Սփիւռքի նախարարութեան առաքելութիւններից մէկը մասնագիտական ցանցերի ստեղծումն է. այսպիսով մենք հնարաւորութիւն ունեցանք եւս մի ցանց ստեղծել եւ համահայկական հարցերի շուրջ սկսել մասնագիտական կարեւոր երկխօսութիւն՚:

Համաժողովի աւարտին մասնակիցները այցելեցին Հայոց ցեղասպանութեան յուշահամալիր:

 

LEAVE A REPLY

Please enter your comment!
Please enter your name here