Իսրայէլեան Հրթիռներ Հարուածած են Agence France Presse-ի Գրասենեակը

0
55

 Իսրայէլեան  երեք հրթիռներ հարուածած են Կազայի կեդրոնական մասը տեղակայուած ութ  յարկանի շէնք մը, ուր կը գտնուի Agence France Presse գործակալութեան գրասենեակը։

Ինչպէս նշած է ֆոթոլրագրողներէն մէկը, որ այդ պահուն գտնուած է գրասենեակի մէջ, գործակալութեան աշխատողներէն ոչ ոք չէ տուժած: «Լսելով հզօր պայթիւնի ձայն, որմէ ամբողջ շինութիւնը ցնցուած է, մենք նախ չհասկցանք, թէ ինչ կը կատարուի: Սակայն, երբ հնչեց եւս երկու  նմանատիպ պայթիւն, ոստիկանութենէն տեղեկութիւններ ստացուեցաւ, որ հարուածները ուղղուած եղած են մեր շէնքին» – ըսած է ան:

Իսրայէլցի զինուորականները հաստատած են լրատուական գործակալութեան  շէնքը հարուածելու փաստը: «Մենք հարուածած ենք շինութեան 7-րդ յարկը, քանի որ ըստ մեր ունեցած տուեալներուն, Համաս ռազմական հետախուզական տուեալներու հաւաքագրման կեդրոն ունի այդտեղ»- յայտարարած է Իսրայէլեան  բանակի պաշտօնական ներկայացուցիչը:

 

Կ’արժէ նշել, որ սա առաջին դէպքը չէ , երբ Իսրայէլ կը հարուածէ Կազայի հատուածը գտնուող լրագրողական գրասենեակները: «Լրագրողներ առանց սահմաններու» կազմակերպութեան տուեալներուն համաձայն, Իսրայէլի զինուած օդուժը մի քանի հրթիռներ ուղղած է «Ալ Շաւա»  առեւտրական կեդրոնի ուղղութեամբ, ուր կը գտնուին բազմաթիւ տեղական եւ միջազգային խմբագրութիւններու գրասենեակներ:

 

Անոր հետեւանքով ոչնչացուած են «Ալ Քուտս» հեռուստաալիքի գրասենեակները, իսկ վեց  լրագրող ստացած են  վնասուածք:

Բացի այդ, իսրայէլեան  կողմի հարուածներուն հետեւանքով տուժած են «Ալ Աքսա» հեռուստաալիքի  երեք աշխատակիցներ եւ զգալի վնասներ կրած Russia Today-ի, MBC-ի, Abu Dabi TV-ի, Al Arabiya-ի, Sky News Arabiya-ի, Reuters-ի գրասենեակները:

 

LEAVE A REPLY

Please enter your comment!
Please enter your name here