Դրամահաւաք Հեռուստամարաթոնը Պիտի Մեկնարկէ Նոյեմբեր 22-ին

0
52

«Հայաստան» համահայկական հիմնադրամի 15-րդ հեռուստամարաթոնը պիտի մեկնարկէ  22 Նոյեմբերին, Երեւանի ժամանակով երեկոյեան 8-ին եւ պիտի շարունակուի մինչեւ առաւօտեան ժամը 8: Ան պիտի հեռարձակուի Լոս Անճելըսէն եւ հնարաւոր պիտի ըլլայ դիտել cable, արբանեակային հեռուստատեսութեամբ եւ համացանցային կապով` http://www.armeniafund.org կայքի միջոցով: Հայաստանեան լսարանը կրնայ հեռուստամարաթոնին հետեւիլ Հ1, Արմենիա, Շանթ եւ Երկիր Մետիա հեռուստաալիքներու եթերով:

Հեռուստամարաթոնը կ’իրակացանցուի «Մեր գիւղը» խորագրին տակ: Դրամահաւաքի արդիւնքով հաւաքուած գումարները պիտի ուղղուին Արցախի գիւղական շրջաններու համայնքային կեդրոններու կառուցման եւ սուրիահայութեան հրատապ խնդիրներու լուծման:

Հիմնադրամի տեղական մարմիններուն կողմէ կազմակերպուող դրամահաւաքները կը տարբերին` նկատի առնելով տեղի համայնքներու առանձնայատկութիւնները: Անոնք կ’իրականացուին ամբողջ հաշուետու տարուան ընթացքին` ըստ տեղական մարմնի հայեցողութեան: Դրամահաւաք-միջոցառումներ այս տարի իրականացուած են ԱՄՆ-ի, Գանատայի` Մոնրէալի եւ Թորոնթոյի, Ֆրանսայի, Գերմանիոյ, Զուիցերիոյ, Պելճիքայի, Հոլանտայի, Յունաստանի, Շուէտի, Մեծ Բրիտանիոյ, Աւստրիոյ, Աւստրալիոյ, Արժանթինի, Պրազիլի, Ռուսաստանի` Մոսկուայի մէջ: Այս բոլոր դրամահաւաքներու արդիւնքով հաւաքուած գումարները պիտի ներառուին Հեռուստամարաթոնի օրը յայտարարուող ընդհանուր գումարին մէջ:

Հայաստանի մէջ նուիրատուութիւնները կ’ընդունուին հետեւեալ ձեւերով.

• Այցելելով գործադիր վարչութիւն /Կառավարութեան շէնք 3, 2-րդ յարկ/ կամ զանգահարելով հետեւեալ հեռախօսահամարներուն` 010 56 01 06, 010 52 15 05
• Այցելելով Հայփոսթի բաժանմունքներ մայրաքաղաքին եւ մարզերուն մէջ,
• SMS նուիրատուութիւններու միջոցով.
Հայաստանի մէջ գործող երեք բջիջային ընկերութիւններու բաժանորդները 7733 հեռախօսահամարին ուղարկելով իրենց անուն ազգանունը կամ դատարկ հաղորդագրութիւն` կը նուիրաբերեն 500 դրամ:
Քաղաքային կամ բջիջային հեռախօսահամարէն զանգահարելով 090008000 հեռախօսահամարին կը նուիրաբերեն 500 դրամ:

• Քարտային փոխանցումներ 010 52 64 74 հեռախօսահամարին /Visa, MasterCard, ArCa, American Express, Discover, Diners Club international/
• Դրամատնային փոխանցումներ կատարելով hամապատասխան հաշուեհամարներուն, որոնք կը տրամադրուին գործադիր վարչութեան կողմէ որեւէ օր,
• Առ-ցանց (online) նուիրատուութիւն donate.himnadram.org-ին:

LEAVE A REPLY

Please enter your comment!
Please enter your name here