Հայ Գործարարները Սուրիահայերուն Տարբեր Ոլորտներու Մէջ Աշխատանքներ Առաջարկեցին

0
49

Հայաստանի մէջ ապաստան գտած սուրիահայերու համար այսօր թիւ մէկ խնդիրը աշխատանքի տեղաւորման հարցն է: Ինչպէս Նոյեմբեր 21-ին լրագրողներու հետ հանդիպման ընթացքին նշեց ՀՀ սփիւռքի նախարար Հրանոյշ Յակոբեան, Հայաստանի մէջ առաջարկուող աշխատանքներուն դիմաց վճարուող աշխատավարձը այնքան ալ չի գոհացներ սուրիահայերը, քանի որ անոնք վարժ են բարձր աշխատավարձի: «Մեր նախարարութեան աջակցութեամբ արդէն 120 սիրիահայ աշխատանքի է տեղաւորուել: Սիրիահայեր կան, ովքեր ուզում են սկսել իրենց սեփական բիզնեսը: Անհրաժեշտ է ամէն ինչ անել` օգնելու ամենակարիքաւոր սիրիահայերին»: 

 ՀՀ տնտեսութեան նախարար Տիգրան Դաւթեան նշեց, որ Հայաստանի տնտեսութիւնը այժմ շարժուն զարգացում ունի, եւ կան լուրջ հեռանկարներ: «Մենք ուրախ կը լինենք, որ այդ գործընթացներին մասնակից լինեն նաեւ մեր հայրենակիցները: Մենք ոսկէ սարեր չենք խոստանում, բայց շարունակական աջակցութիւն ապահովելու ենք: Բոլոր հնարաւոր ռեսուրսները տրամադրելու ենք, որպէսզի լուծուէն սիրիահայերի աշխատանքի հետ կապուած խնդիրները՚,-ըսաւ Տիգրան Դաւթեան:

 ՀՀ աշխատանքի եւ սոցիալական հարցերու նախարար Արտեմ Ասատրեանի Նոյեմբեր 9-ին ստորագրած հրամանի համաձայն` սուրիահայերը առաջնահերթութեան կարգով պիտի ընդգրկուին զբաղուածութեան պետական 14 ծրագրերու մէջ: «Արդէն 194 սիրիահայերի հետ սկսել ենք աշխատել: Արդէն կան աշխատանքի տեղաւորուածներ: Սիրիահայ երիտասարդների համար բաւական հետաքրքիր ծրագրեր ունենք: Հաշմանդամ սիրիահայերի համար էլ պատրաստ ենք աշխատատատեղեր յարմարեցնել՚,-ըսաւ նախարարութեան «զբաղուածութեան պետական ծառայութեան՚ գործակալութեան պետ Սոնա Յարութիւնեանը:

 Հայաստանի Փոքր եւ միջին ձեռնարկութիւններու զարգացման ազգային կեդրոնի տնօրէն Վարազդատ Կարապետեան նշեց, որ կեդրոնը կը կազմակերպէ դասընթացներ, որոնց միջոցով սուրիահայերը կը ծանօթանան Հայաստանի մէջ գործարարութեամբ զբաղելու համար անհրաժեշտ  տեղեկատւութեան: «Մենք ամէն ինչ կ’անենք, որպէսզի սիրիահայերի համար յարմար եւ նպաստաւոր պայմաններ ստեղծուեն՚,-ըսաւ ան:

 

Հանդիպման ընթացքին շուրջ երեք տասնեակ գործատուներ տարբեր բնագաւառներու աշխատանք առաջարկեցին սուրիահայերուն` անվտանգութեան, շինարարութեան, սնունդի եւ այլ ոլորտներու մէջ:

LEAVE A REPLY

Please enter your comment!
Please enter your name here