Գամիշլիէն Հալէպ Տանող Ճանապարհին Հայ Երիտասարդ Մը Առեւանգուած է. Ժիրայր Ռէյիսեան

0
34

Սուրիական Գամիշլի քաղաքէն Հալէպ տանող ճանապարհին հայ երիտասարդ մը առեւանգուած է: Այս մասին Armenpress-ին տեղեկացուցած է Բերիոյ թեմի ազգային առաջնորդարանի բանբեր Ժիրայր Ռէյիսեան` աւելացնելով, որ Արմէն Ջուքջուքեանը Հալէպի մօտակայքին իջեցուցած են հանրակառքէն եւ առեւանգած:

Ռէյիսեանի խօսքով` այժմ միջոցներ կը ձեռնարկուին հալէպահայ երիտասարդը ազատ արձակելու ուղղութեամբ: Յատկանշական է, որ հանրակառքի մէջ այլ հայեր չեն եղած: Մանրամասնութիւններ չեն հաղորդուիր` արդեօք հալէպահայ երիտասարդէն բացի այլ առեւանգուածներ կան, թէ ոչ: Ինչ կը վերաբերի Հալէպի մէջ տիրող իրավիճակին, ապա Ռէյիսեանի տեղեկացմամբ, մեծ փոփոխութիւններ տեղի չեն ունեցած.մերթ ընդ մերթ կրակոցներու ձայներ կը լսուին հեռուէն, իսկ կեդրոնական թաղամասերը հանդարտ են: Այնուամենայնիւ, դիպուկահարներու կողմէ տհաճ անակնկալներու վտանգ մշտապէս կը զգացուի: Անդրադառնալով Քեսապի մէջ տիրող իրավիճակին` մամուլի քարտուղարը նշեց, որ պետութիւնը միջոցներ կը ձեռնարկէ վերականգնելու բնակավայրի հոսանքը եւ հեռաձայնային կապը:

Սուրիոյ մէջ շուրջ 20 ամիս շարունակուող բախումներու հետեւանքով զոհուած է 37 հազարէ աւելի մարդ, ներառեալ` չորս տասնեակ հայեր: «Սուրիահայութեան շտապ օգնութեան մարմին՚ կազմակերպութեան անդամներէն Ռաֆֆի Աւետիսեան տեղեկացուցած է, որ առկայ տուեալներուն համաձայն` Սուրիոյ մէջ շուրջ 20 ամիս շարունակուող բախումներու հետեւանքով զոհուած է 40 եւ վիրաւորուած 66 հայ: Նաեւ 7 առեւանգուած հայեր կան  եւ երկու անյայտ կորսուած զինուորական ծառայողներ: Շուրջ 200 բնակարաններ վնասուած են:

LEAVE A REPLY

Please enter your comment!
Please enter your name here